Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/18890
Haute couture er list sem fáir hafa aðgang að og mögulega munu fæstir almennir borgarar nokkurn tíma fá að komast í snertingu við.
Áhyggjuefni er að með aukinni fjöldaframleiðslu á fatnaði og fylgihlutum, muni neyslusamfélagið sem við lifum í stuðla að því að listsaumur og það vandaða handverk sem tilheyrir hátískunni, deyji út. Á þeim krepputímum sem við höfum þurft að upplifa síðustu ár, hefur hátískan (haute couture) átt erfitt uppdráttar. Viðreisnarvonin virðist vera tiltölulega nýlegur viðskiptahópur sem heldur lífi í listinni, allavega í bili. Efnahagur heimsbyggðarinnar mun hugsanlega ráða því hvort listhandverkið í hátískunni muni lifa af.
Með þeirri öflugu tækniþróun sem á sér stað í textílheiminum virðist handverkið sífellt ónauðsynlegra, og ef til vill of dýrt í framleiðsluferlinu. Oftar en ekki eru haute couture tískusýningar notaðar sem ímynd og auglýsing fyrir tískuhúsin, en það eru örfáir sem virkilega hafa efni á því að versla hátískuvöru. Neyslusamfélagið kallar á hraða og endurnýjun, flestir vilja eignast meira og meira á sem skemmstum tíma og þar af leiðandi verða tískusveiflurnar sífellt örari. Neytendur verða einnig ósjálfrátt kaupglaðari og framleiðendur vilja eingöngu framleiða og selja vörur í sem mesta magni, þannig verður markaðurinn einsleitur og lítið um listræna nálgun.
Við gerð ritgerðarinnar tók ég viðtal við tvo af okkar góðu hönnuðum sem hafa mikla reynslu og þekkingu á hátísku umhverfinu, en það eru þær Thelma Björk Jónsdóttir og Helga Bjornsson.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Haute Couture- Deyjandi list í nútíma neyslusamfélagi.pdf | 1.19 MB | Opinn | Heildartexti | Skoða/Opna |