Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/18900
Þetta lokaverkefni er til B.A. – gráðu í tómstunda- og félagsmálafræði frá Háskóla Íslands. Markmið verkefnisins er að útbúa námskeið sem inniheldur fræðslu, æfingar og aðferðir fyrir foreldra sem vilja koma í veg fyrir að börn sín lendi í einelti eða til styrkja börn sín í að takast á við eineltisaðstæður. Verkefnið skiptist í námskeið og greinargerð. Námskeiðið sjálft er byggt upp í fimm þáttum þar sem ákveðið efni er tekið fyrir í hvert skipti. Námskeiðinu fylgir greinargerð þar sem gerð er grein fyrir fræðilegri tenginu við þá þætti er námskeiðið hvílir á. Mikil vitundarvakning hefur verið í samfélaginu um einelti síðustu ár. Allir þeir aðilar er starfa með börnum og unglingum verða að standa saman til að koma í veg fyrir einelti. Á sama tíma þurfa foreldrar að átta sig á hversu mikilvægu hlutverki þeir gegna í lífi barna sinna. Foreldrar þolenda geta haft mikil áhrif á hegðun og atferli þeirra. Markmið námskeiðsins er því að veita foreldrum árangursríkar lausnir og aðferðir sem börn þeirra geta beitt til að draga úr eða koma í veg fyrir einelti. Ekki er til námskeið af þessu tagi á Íslandi, eftir því sem vitað er og því hefur námskeiðið alla burði til að vera mikilvæg viðbót við þær aðferðir sem til eru í dag.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Greinagerð.pdf | 627.55 kB | Opinn | Greinargerð | Skoða/Opna | |
Námskeið.pdf | 921.57 kB | Lokaður til...31.05.2134 | Námskeið |