Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/18963
Markmið þessarar ritgerðar er að skoða stöðu fatlaðs fólks varðandi framboð á hreyfingu.
Ritgerðin hefst á fræðilegri umfjöllun þar sem skoðuð er þróun mismunandi sjónarhorna á
fötlun og greint verður frá hver staðan er í dag. Hugmyndafræðin um sjálfstætt líf er sú
hugmyndafræði sem notast er við í dag og er það þráðurinn í gegnum ritgerðina.
Valdefling er eitt helsta baráttutæki fatlaðs fólks í dag ásamt sjálfsákvörðunarrétti til að ná
fram stjórn á eigin lífi. Með það að leiðarljósi var tekið viðtal við fatlaða og ófatlaða
einstaklinga til að ná fram raunverulegri stöðu fatlaðs fólks.
Eigindleg rannsókn var framkvæmd þar sem tekin voru fjögur opin viðtöl við fatlaða
einstaklinga sem hreyfa sig reglulega og aðra sem sjá um hreyfingu af einhverju tagi fyrir
fatlað fólk. Einnig var farið í þrjár vettvangsheimsóknir til að sjá aðbúnað og aðstæður
þeirra sem tekið var viðtal við. Áhersla var lögð á að ná fram upplifun viðmælanda ásamt
persónulegri þekkingu þeirra og reynslu.
Niðurstöður rannsóknar gefa ágæta mynd af raunverulegri stöðu fatlaðs fólks þegar
kemur að hreyfingu og líkamsrækt. Helstu hindranirnar þeirra eru aðgengi og viðhorf
almennings. Þeir viðmælendur mínir sem stunda hreyfingu láta það þó ekki stoppa sig og
upplifa ávinning hreyfingar og heilbrigðs lífernis. Fram kemur í svörum viðmælenda minna
hvernig ávinningurinn hefur áhrif á sjálfsmynd þeirra og heilsu.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BA lokaritgerð prent.pdf | 818.6 kB | Opinn | Heildartexti | Skoða/Opna |