Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/1927
Markmið þessarar athugunar var að kanna líðan barna með CP fötlun í almennum grunnskólum. Beitt var eigindlegum rannsóknaraðferðum þar sem tekin voru hálfopin viðtöl. Viðmælendurnir voru þrír , tvær stúlkur, 18 og 23 ára og einn drengur, 24 ára, sem öll hafa lokið tíu ára grunnskólagöngu. Önnur stúlkan og drengurinn voru í almennum bekk alla skólagönguna en hin stúlkan var í sérdeild en í unglingadeild fór hún í almennan bekk í bóklegum fögum. Þau glíma öll við CP fötlun en þó mismikla.
Svo virðist sem að nemandanum sem var í sérdeild liði betur en þeim sem voru í almennum bekk. Kennarar almennu bekkjanna hlustuðu ekki nógu vel á raddir nemenda sinna og stuðningsfulltrúinn var stöðugt yfir þeim svo þau áttu erfitt með að mynda félagsleg tengsl við hina nemendur bekkjarins.
Draga má þá ályktun að kennarar séu ekki nægilega vel undirbúnir til þess að taka við nemendum með fötlun inn í almennan bekk. Fræðsla þarf að eiga sér stað bæði á meðal starfandi kennara og þeirra sem eru að mennta sig til kennarastarfa.
Lykilorð: CP, líðan barna.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
ritg f pdf.pdf | 253.66 kB | Opinn | Heildartexti | Skoða/Opna |