is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20109

Titill: 
  • Einkenni góðrar kennslu á háskólastigi : hugmyndir nemenda tveggja deilda við Háskóla Íslands
Námsstig: 
  • Meistara
Útdráttur: 
  • Markmið rannsóknarinnar var að komast að því hvað nemendur við Háskóla Íslands telja vera góða kennslu. Í því samhengi voru hugmyndir nemenda skoðaðar út frá tengslum náms og kennslu og menningu deilda. Þá var skoðað hvort munur væri á hugmyndum nemenda sem nema við ólíkar deildir og hvort munur væri á hugmyndum grunn- og framhaldsnema.
    Kennsla verður æ fyrirferðarmeiri þáttur í mati á gæðum háskóla um heim allan og því orðið eitt af aðalmarkmiðum margra háskóla að kennslan sé framúrskarandi. Til að efla kennslu á markvissan hátt þarf að vera hægt að leggja mat á gæði hennar, en þannig fáum við betri sýn á hvað þarf að bæta og getum leitast við að finna leiðir til að auka gæði hennar. Áherslan á að hlustað sé á raddir nemenda við þróun á kennsluháttum hefur aldrei verið meiri og talið mikilvægt fyrir háskólakennara, stjórnendur háskóla og alla þá sem starfa að umbótum í háskólum að vita hvað þeirra nemendur telja einkenna góða kennslu.
    Til að kanna hugmyndir háskólanema voru í rannsókninni notuð fyrir-liggjandi gögn sem unnið var úr með blönduðum rannsóknaraðferðum. Gögnin voru upptökur og vettvangsnótur úr rýnihópum sem Kennslu-miðstöð sá um að afla vegna sjálfsmats deilda, ásamt viðhorfskönnunum sem Félagsvísindastofnun hefur verið falið að leggja fyrir nemendur skólans. Þá voru ýmis konar skrifleg gögn eins og kennsluskrá Háskóla Íslands skoðuð og greind. Þátttakendur voru grunn- og framhaldsnemar í Raunvísindadeild og Sagnfræði- og heimspekideild við Háskóla Íslands. Niðurstöður sýndu fram á að nemendur telja megineinkenni góðrar kennslu felast í góðu aðgengi að kennara, að kennarinn hafi samkennd með nemendum, að nemendahópurinn sé ekki of stór, að góð endurgjöf fáist fyrir verkefni og að nám og kennsla sé vel skipulögð. Einnig benda nemendur á ýmis persónueinkenni kennara sem þeir telja hafa jákvæð áhrif á kennslu. Greina mátti mun á sumum atriðum, er tengjast einkennum góðrar kennslu að mati nemenda, eftir deildunum. Engan mun var hins vegar að finna á hugmyndum grunn- og framhaldsnema, en þó bent á að nemendur eiga það til að venjast kennurum sínum svo og kennsluháttum deilda þegar líður á námið. Sá munur sem fram kom í rannsókninni er þá talinn skýrast að mestu leyti með tilvísun til aðlögunar nemenda að menningu deildanna, sem hefur áhrif á mótun hugmynda þeirra um góða kennslu.

Samþykkt: 
  • 25.11.2014
URI: 
  • http://hdl.handle.net/1946/20109


Skrár
Skráarnafn Stærð AðgangurLýsingSkráartegund 
BryndísJónsdóttir_MA.pdf903.89 kBOpinnHeildartextiPDFSkoða/Opna