EnglishisÍslenska

Member institutions

Search in


ThesisUniversity of Iceland>Menntavísindasvið >Meistaraprófsritgerðir>

Please use this identifier to cite or link to this item: http://hdl.handle.net/1946/2017

Title
is

Notkun endurmenntunaráætlana, reynsla skólastjóra og kennara í þremur grunnskólum í Reykjavík

Abstract
is

Markmið rannsóknarinnar var að afla aukinnar þekkingar um endurmenntun kennara í grunnskólum Reykjavíkur og notkun endurmenntunaráætlana.
Endurmenntun kennara í Reykjavík tekur mið af starfsmannastefnu borgarinnar og ákvæðum í lögum og kjarasamningum. Í stefnumótun fræðsluyfirvalda kemur m.a. fram að endurmenntun starfsfólks er talin lykilatriði skólaþróunar í lærdómssamfélagi.
Margir fræðimenn hafa fjallað um hugtakið lærdómssamfélag sem samnefnara fyrir endurmenntun, árangur nemenda og umbætur í skólastarfi. Að frumkvæði Reykjavíkurborgar var sex þrepa umbótamiðað ferli við gerð endurmenntunaráætlunar kynnt fyrir skólastjórnendum í Reykjavík veturinn 2001-2002. Í þessari rannsókn var leitast við að kanna viðhorf kennara og skólastjóra í þremur skólum til reynslu af notkun slíkra áætlana í skólastarfinu. Að auki var leitað eftir viðhorfi kennaranna til gagnsemi mismunandi leiða sem oft eru notaðar í endurmenntun.
Niðurstöður leiddu m.a. í ljós að hluti ferlisins við gerð endurmenntunaráætlunar hefur fest sig í sessi í skólunum þremur. Einnig að endurmenntun samkvæmt endurmenntunaráætlun svarar þörf tiltölulega lítils hluta kennaranna fyrir endurmenntun í starfi. Að mati kennaranna sem þátt tóku í rannsókninni er greinilegt hvaða leiðir þeir telja koma að mestu gagni í endurmenntun sinni. Þær leiðir eru handleiðsla, sjálfstýrandi nám og vinnuhópar. Umræðuhópar og fjarnám þykja síður gagnlegri. Fæstir kennaranna telja að námskeið ein og sér komi að gagni sem leið í endurmenntun.
Það er von höfundar að niðurstöðurnar geti nýst sem innlegg í umræðuna um leiðir í endurmenntun kennara og mikilvægi hennar í skólaþróun.

Comments
is

M.Ed. í stjórnunarfræði menntastofnana

Issued Date
21/11/2008


Artifacts
Name[Sortable]Size[Sortable]Visibility[Sortable]Description[Sortable]Format
Abstract.pdf40.8KBOpen Abstract PDF View/Open
xxx.pdf635KBOpen Complete Text PDF View/Open