Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20244
Friður og stöðugleiki á Kóreuskaga er eitt helsta hagsmunamál ríkja í austur-Asíu í dag. Kóreuskaginn er í miðju fjölmennasta svæðis jarðar og þar hafa orðið stórkostlegar efnahagslegar framfarir á síðustu áratugum. Svo er þar Norður-Kórea; lítið, einangrað en mjög hervætt ríki í höndum Kim fjölskyldunnar. Ekki er mikið fyrir stjórnvöld þar í landi til að hreykja sig af, mannréttindi eru engin, skortur er viðvarandi og íbúarnir heilaþvegnir. Einræðisherrar landsins hafa þó lagt kapp á að þróa kjarnorkuvopn sem þeim hefur tekist á meðan þjóðin berst í bökkum. Ekki hefur tekist að koma í veg fyrir þessa atburðarás og veldur það öryggissérfræðingum um allan heim miklum áhyggjum. Alltaf þegar upp koma vandræði í tengslum við N-Kóreu er litið til Kína sem hefur verið eini áhrifamikli bandamaður ríkisins. Blikur eru þó á lofti og virðist sambandið ekki byggja á eins traustum grunni og áður. Í þessu verkefni eru samskipti Kína og N-Kóreu skoðuð frá upphafi og reynt að varpa ljósi á hvað býr að baki þeim. Skoðað verður sögulegt samband ríkjanna og spáð fyrir um framtíðarhorfur svæðisins með tilliti til öryggissjónarmiða.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
sinodprk-evs.pdf | 625.3 kB | Opinn | Heildartexti | Skoða/Opna |