Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20274
Þessi ritgerð fjallar um áherslubreytingu innan umhverfisvísinda. Í þessari áherslubreytingu liggur þörf til að brjótast frá einokun náttúruvísinda á náttúruþekkingu og fá félags- og hugvísindin að borðinu. Útskýrt er hvers vegna þörfin sé til staðar og færð rök fyrir því að grunnur að vestrænum vísindum, tvíhyggjan, sé helsta ástæðan. Talið er að tvíhyggjan náttúra/menning hafi leitt náttúruvísindin frá raunreynslu einstaklinga og að það bil þurfi að brúa. Kynnt verður vistleg fyrirbærafræði Tim Ingolds sem helsta leiðin frá tvíhyggjunni og þá um leið leiðin til að brúa þetta bil. Í síðasta kafla verður svo fjallað um refaveiðimenn og refavísindamenn til að sýna fram á dæmi þar sem þetta bil býr til vandamál, og hvernig bilið er að stækka vegna trúar almennings um að vísindaleg þekking sé æðri en almenn. Með því að fella refafræðina að umfjöllun Tim Ingolds þá tel ég að hægt sé að sjá eðlislægan galla vísindahyggjunnar, og að átta sig á því, að þó það sé verið að brjótast gegn grunngildum vestrænna vísinda, þá þíðir það ekki að við þurfum að byrja uppá nýtt. Heldur þurfum við einungis að hlusta á þá þekkingu sem er til staðar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BA-Björgvin Agnarsson.pdf | 774.24 kB | Opinn | Heildartexti | Skoða/Opna |