is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/20292

Titill: 
  • Vörumerkjatryggð í lífrænum matvörumerkjum. Er vörumerkjatryggð til staðar meðal neytenda lífrænna matvæla?
Námsstig: 
  • Bakkalár
Útdráttur: 
  • Lífrænar matvörur eru sívaxandi hluti af vöruúrvali á matvörumarkaði á Íslandi í dag og svo virðist vera að með aukinni þekkingu neytenda verði vinsældir þeirra enn meiri. Sú þróun sem hefur átt sér stað í lífrænni matvöruframleiðslu síðustu áratugi hefur orðið til þess að neysla á lífrænni matvöru hefur stóraukist og varla er til það heimili
    sem meðvitað eða ómeðvitað búi yfir vörum sem koma úr slíkri framleiðslu, hvort sem það er að mestu leyti eða aðeins að hluta til úr lífrænum afurðum. Meginmarkmið með lífrænni framleiðslu er fyrst og fremst að bjóða upp á vöru sem framleidd hefur verið undir ströngu gæðaeftirliti sem er án allra skaðlegra aukefna og er þar af leiðandi betri kostur fyrir samfélagið og þann sem neytir vörunnar.
    Markmiðið með þessu verkefni er að varpa ljósi á mikilvægi framleiðslu og neyslu á lífrænum vörum sem og að kanna hvort tryggð sé til staðar meðal neytenda þeirra. Ennfremur verður leitast við að skoða hvaða áhrifaþættir hafa hvað mest áhrif á val neytenda á lífrænu vörumerki. Farið verður í hugtök tengd vörumerkjastjórnun og verða þau útskýrð með hliðsjón af lífrænum matvörumerkjum. Rannsóknarefni ritgerðinnar var að kanna hvort tryggð sé til staðar hjá neytendum á lífrænum matvörumerkjum. Gengið var út frá rannsóknarspurningunni ,,Er vörumerkjatryggð til staðar meðal neytenda á lífrænum matvörumerkjum á Íslandi” þar sem markmiðið var að skoða hvort neytendur lífrænna matvara haldi sig við sama vörumerkið og hvaða þættir hafi áhrif á val þeirra á vörumerki.
    Notast var við megindlega rannsóknaraðferð þar sem lagður var fram stuttur spurningarlisti sem samanstóð af tíu spurningum. Spurningarlistinn var að mestu leyti lagður fyrir einstaklinga á samfélagsmiðlinum Facebook en þó var einnig notast við tölvupóst sem sendur var á vini og kunningja. Helstu niðurstöður könnunarinnar benda
    til þess að neysla á lífrænum matvörum sé algeng meðal fólks á dreifðu aldursbili. Einnig benda niðurstöðurnar til þess að áhrifaþættir á borð við gæði hafi mikið um það að segja hvernig val neytanda á vörumerki sé hagað. Þá benda niðurstöðurnar sömuleiðis til þess að tryggð sé til staðar meðal neytenda lífrænna matvara og væri því áhugavert að skoða málefnið enn frekar með stærri rannsókn.

Samþykkt: 
  • 8.1.2015
URI: 
  • http://hdl.handle.net/1946/20292


Skrár
Skráarnafn Stærð AðgangurLýsingSkráartegund 
BS ritgerð - Jóhanna Ýr Hallgrímsdóttir PDF.pdf1.17 MBOpinnHeildartextiPDFSkoða/Opna