MQTT Gateway for BACnet

Abstract

Hugmyndin að verkefninu kom frá fyrirtækinu Rational Network ehf sem hefur haslað sér völl í þjónustu við gagnasöfnun, birtingu gagna og þjónustu við mælibúnað í stórum byggingum og bæjarfélögum víðs vegar um Evrópu.Afrakstri verkefnisins er ætlað að verða viðbót við núverandi kerfi sem þegar er í rekstri og þróun hjá fyrirtækinu.Markmið verkefnisins var að opna fyrir aðgang á fyrirfram ákveðin gildi frá MQTT miðlara niður á BACnet búnað þannig að sá sem rekur kerfið geti gert notanda (sem getur verið persóna eða búnaður) kleift að fylgjast með og/eða breyta ákveðnum gildum á BACnet neti. Auk þess er virkni til staðar til að fá upplýsingar um allan BACnet búnað á neti fyrir vefviðmót, og fyrir vistun, uppfærslu og eyðingu gagna í SQLite gagnagrunni sem heldur utan um skilgreindar breytur og það hvernig BACnet breyturnar varpast yfir í MQTT slóð.Í þessu verkefni hafa verið forritaðir tveir biðlarar, þ.e. BACnet Client og MQTT Client, ásamt millilagi sem notar þjónustur þessara tveggja. Millilagið, sem er hjartað í verkefninu, inniheldur einnig poller til að fylgjast með uppfærslum á skilgreindum breytum og nauðsynleg föll til að mappa upp BACnet breytur fyrir vefviðmót og föll sem vefviðmót getur nýtt til að halda utan um gögn í gagnagrunni.