is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21088

Titill: 
  • „Allt sem ég hef glímt við hef ég náð að koma mér í gegnum.“ Flókið samspil áhættuþátta og seiglu á náms- og starfsferil ungmenna Fjölsmiðjunnar
  • Titill er á ensku "I have made it through all the challenges I have faced." A complex interplay of risk and resilience on the careers of youngsters that have attended Fjölsmiðjan
Námsstig: 
  • Meistara
Útdráttur: 
  • Markmið rannsóknarinnar var að varpa ljósi á upplifun og reynslu ungmenna sem numið hafa í úrræði Fjölsmiðjunnar fyrir ungmenni á krossgötum út frá fræðum um seiglu. Öll áttu þau það sameiginlegt að koma í Fjölsmiðjuna eftir brotthvarf eða atvinnumissi og vanvirkni og hafa í framhaldi af Fjölsmiðjunni farið í nám eða störf á almennum vinnumarkaði. Í því samhengi var reynsla þeirra og upplifun af náms- og starfsferli í forgrunni í rannsókninni, hvaða ávinning þau töldu sig hafa öðlast í Fjölsmiðjunni og hver sýn þeirra og markmið væru fyrir framtíðina. Gagnaöflun fór fram frá september 2014 til febrúar 2015 og byggði á viðtölum við sjö ungmenni á aldrinum 18-20 ára. Niðurstöður rannsóknarinnar leiddu í ljós að ungmennin höfðu glímt við ýmsar hindranir á náms- og starfsferli sínum á borð við sértæka námsörðugleika, hegðunar- og geðraskanir, einelti, einangrun og neyslu. Auk þess bjuggu mörg hver við erfiðar aðstæður heima og sum bjuggu að reynslu af úrræðum barnaverndarstofu. Öll áttu þau stuðning vísan hjá foreldrum eða fullorðnum einstaklingi innan fjölskyldunnar. Vegna erfiðrar reynslu á grunnskólaárunum og afleiðinga hennar, persónulegra- og félagslegra, stoppuðu þau stutt í framhaldsskólanámi eða á vinnumarkaði. Öll höfðu verið í vanvirkni fyrir Fjölsmiðjuna. Þar fengu þau svo tækifæri til að efla félaghæfni sína og sjálfsmynd og fengu tilfinninguna fyrir tilgangi að nýju. Ungmennin höfðu öll löngun og vilja til að ljúka námi og var framtíðarsýn þeirra tekin að skýrast.

  • Útdráttur er á ensku

    The aim of this study is to gain insight into the experience of individuals who have worked at Fjölsmiðjan from the perspective of resilience studies. Fjölsmiðjan is a workplace especially designed to support young people who are out of school and work and provide them the opportunity to get occupational training. The thing they all had in common was to start working at Fjölsmiðjan after a school dropout or a job loss and were inactive. For all of them Fjölsmiðjan lead to a great result and they started school or work again. Seven individuals, 18-20 years of age, were interviewed during the period from september 2014 to february 2015. The results indicated that the youngsters have bad been battling many obstacles in their childhood and adolescence both at home and at school. At schools there were obstacles such as dyslexia, AD(H)D, anxiety, depression, bullying, substance abuse, low social skills and self esteem. Some of them had some assistance through Child Services. They all dropped out of school and work before started working at Fjölsmiðjan. There they had the opportunity to enhance their social skills and identity og got a sense of a purpose again. All of them had the will and desire to finish their studies and their view on the future was getting clearer.

Samþykkt: 
  • 6.5.2015
URI: 
  • http://hdl.handle.net/1946/21088


Skrár
Skráarnafn Stærð AðgangurLýsingSkráartegund 
Allt sem ég hef glímt við hef ég náð að koma mér í gegnum.pdf1.47 MBOpinnHeildartextiPDFSkoða/Opna
Yfirlýsing - Skemman - Nanna Imsland.pdf242.11 kBLokaðurYfirlýsingPDF