is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21120

Titill: 
  • Samfélag án myntar
Námsstig: 
  • Bakkalár
Leiðbeinandi: 
Útdráttur: 
  • Risastórar fjárhirslur, konungar sem baða sig í gulli, bankageymslur fullar af seðlum. Þetta eru allt hlutir sem við tengjum við auðæfi og möguleikann að eignast allt það sem hugurinn girnist. Þetta lýsir þó engan veginn ástandinu eins og það er í dag. Nú eru peningar í efnislegu formi einungis í kringum 5-10% af öllum peningum í heiminum. Stærstur hluti viðskipta fer fram á rafrænu formi og hafa orðið gríðarlegar framfarir í þeim valkostum sem standa til boða í rafrænni greiðslumiðlun. Eins og staðan er í dag virðist þróunin stefna í reiðufjárlaust samfélag og er Ísland í fararbroddi þessarar þróunar.
    Viðskipti eru nauðsynleg forsenda framþróunar í samfélaginu, það að fólk geti skipt á vörum og þjónustu fyrir aðra vörur og þjónustu hefur alltaf verið hluti af daglegu lífi hins siðmenntaða manns. Miklar breytingar hafa þó orðið á því hvernig viðskipti fara fram og einnig hvaða miðill er notaður í viðskiptum. Við höfum farið frá því að nota vörumynt yfir í að nota rafræna greiðslumiðlun. Ekki er lengur hægt að skipta seðlum fyrir gull í bankanum heldur eru peningar núna ómálmtryggðir og byggðir á trausti. Nú færumst við æ hraðar í áttina að samfélagi án reiðufjár sem mun byggja eingöngu á rafrænni greiðslumiðlun þar sem rafeyrir verður lögeyrir.
    Í þessari ritgerð verður leitast við að svara spurningum eins og: Hvernig hefur greiðslumiðlun þróast? Hvað er rafræn greiðslumiðlun? Hvaða þýðingu hefur það fyrir hagkerfið ef reiðufé verður afnumið? Hverjir eru kostir og gallar við reiðufjárlaust samfélag og hvernig er Ísland í stakk búið til að verða fyrsta reiðufjárlausa samfélagið í heiminum?
    Farið verður yfir efni sem ritað hefur verið um reiðufjárlaus samfélög og reynt að heimfæra það á Ísland.

Samþykkt: 
  • 6.5.2015
URI: 
  • http://hdl.handle.net/1946/21120


Skrár
Skráarnafn Stærð AðgangurLýsingSkráartegund 
Samfélag án myntar.pdf976.61 kBOpinnHeildartextiPDFSkoða/Opna