Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21146
Meginviðfangsefni þessarar ritgerðar eru stjúpfjölskyldur og stjúpsystkinatengsl. Leitast er við að svara því hvaða þættir það eru sem hafa áhrif á aðlögun barna í stjúpfjölskyldum og samskipti og tengsl milli stjúpsystkina. Í dag er talið að um að þriðja hvert hjónaband endi með skilnaði. Það er þó ekki eingöngu eftir skilnað sem stjúptengsl myndast heldur á það líka við þegar börn hafa misst foreldra sína. Ef báðir eða annað foreldrið fer aftur í sambúð eða giftir sig er talað um að það myndist stjúptengsl. Margt kann að breytast hjá börnum við tilkomu stjúpfjölskyldu. Mörg börn upplifa missi sem oft er ekki komið auga á og einnig getur hlutverkaskipan breyst og valdið kvíða og óvissu um þeirra hlutverk. Niðurstöður benda til þess að stjúpfjölskyldur og stjúpsystkinatengsl taka sinn tíma að þróast. Það hefur áhrif á aðlögun barna í stjúpfjölskyldum hvort börn séu búin að jafna sig eftir skilnað foreldra og hvernig sambandinu við þá er háttað. Margir þættir hafa áhrif á samskipti og tengsl stjúpsystkina en helstu áhrifaþættirnir eru aldur þeirra við myndun stjúpfjölskyldu, kyn og búseta.
Lítið er til af íslenskum rannsóknum um stjúpfjölskyldutengsl og skortur er á lögum um réttindi og skyldur fjölskyldna sem búa við slíkt fjölskyldumynstur. Þær rannsóknir sem gerðar hafa verið á stjúpfjölskyldutengslum á vesturlöndum benda allar á að vöntun sé á fleiri rannsóknum, meðal annars um þá þætti sem geta eflt og styrkt stjúpsystkinatengsl. Því er ljóst að mörg sóknarfæri eru í rannsóknum á stjúpfjölskyldutengslum í framtíðinni.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BAritgerð - Katrín Reimarsdóttir.pdf | 459.15 kB | Opinn | Heildartexti | Skoða/Opna |