Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21185
Þessi ritgerð er lögð fram til BA-prófs í almennum málvísindum á Hugvísindasviði Háskóla Íslands. Markmið hennar er að skoða hvort málumhverfi barna hafi áhrif á máltökuferli þeirra. Í ritgerðinni eru máltökuferlar heyrandi barna og heyrnarlausra barna skoðaðir og fjallað um rannsóknir sem gerðar hafa verið á börnum sem ekki fengu málörvun í æsku. Rætt er um máltöku barna út frá málumhverfi og farið yfir þá þætti sem geta komið í veg fyrir eðlilega máltöku. Fjallað er um máltöku barna sem eiga heyrnarlausa foreldra og hún borin saman við máltöku annarra heyrandi barna. Máltaka heyrnarlausra barna er sérstaklega skoðuð því hún er að mörgu leyti öðruvísi en máltaka heyrandi barna þar sem heyrnarlaus börn alast sjaldnast upp við góða málörvun frá fæðingu. Máltökuferlar heyrandi barna og heyrnarlausra eru bornir saman og það rætt hvað sé sameiginlegt og hvað sé öðruvísi í máltöku þessara barna.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Ba ritgerð loka.pdf | 482.78 kB | Opinn | Heildartexti | Skoða/Opna |