Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21347
Aukin áhersla hefur verið á þverfaglega teymisvinnu síðari ár. Í heimildaritgerð þessari er fjallað um þverfaglega teymisvinnu í starfi félagsráðgjafa. Markmið ritgerðar er að skoða hvernig þverfagleg teymisvinna nýtist í starfi félagsráðgjafa. Ýmsar ástæður eru fyrir myndun teyma og hafa rannsóknir sýnt fram á gagnsemi þeirra og aukinn árangur í starfi. Til þess að ná árangri í þverfaglegri teymisvinnu þurfa samskiptin að vera góð, að teymið setji sér raunhæf markmið, að gagnkvæm ábyrgð sé til staðar ásamt virðingu og trausti til samstarfsmanna í svo nánu samstarfi. Í hvers konar teymisvinnu geta komið upp alls konar vandamál eins og ágreiningur aðila innan teymisins, samskiptaleysi, lítið traust meðal samstarfsmanna, enginn stuðningur og óskýr hlutverkaskipting. Þverfagleg teymisvinna er ætluð í þeim tilgangi að fá fagaðila með ólíka sérþekkingu til að vinna saman í að ná bestum árangri. Niðurstöður rannsókna leiddu í ljós að þverfagleg teymisvinna er árangursrík leið til að vinna með ólík verkefni og takast á við ýmis vandamál í starfi. Þá þykir hún sérstaklega árangursrík í starfi félagsráðgjafa þar sem þeir nýta sér hana á margskonar hátt í samfélaginu. Þá eru þeir í nánu samstarfi við ólíka fagaðila til að geta komið sem best til móts við notandann.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Þverfagleg teymisvinna í starfi félagsráðgjafa.pdf | 614.18 kB | Opinn | Heildartexti | Skoða/Opna |