Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21696
Talnalykill er staðlað- og markbundið kunnáttupróf í stærðfræði sem er notað bæði við mat á færni hjá einstökum nemendum og við skimun stærðfræðierfiðleika. Markmið rannsóknarinnar var að meta gagnsemi Talnalykils til að greina erfiðleika strax við upphaf grunnskólagöngu. Í því skyni var prófþátturinn Tölur lagður fyrir 101 börn í 1. bekk í grunnskólum á Suðurnesjum auk nokkurra verkefna úr Reikningi og aðgerðum. Auk þess voru foreldrar og kennarar beðnir um að meta námsfærni barnsins með því að svara námsundirprófi Íslenska þroskalistans. Niðurstöður rannsóknarinnar bentu til þess að raunhæft væri að nota Tölur og Reikning og aðgerðir við skimun á stærðfræðierfiðleikum í 1. bekk grunnskóla. Einnig sýna þær að raunhæft sé að nota Reikning og aðgerðir sem einstaklingspróf. Auk þess leiddi rannsóknin í ljós að raunhæft er fyrir kennara að meta færni barna með námsundirprófi Íslenska þroskalistans.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Talnalykill - Skimun með Talnalykli við upphaf grunnskólagöngu.pdf | 882.84 kB | Opinn | Heildartexti | Skoða/Opna |