Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2173
Mataræði og hreyfing skiptir sköpum fyrir bæði börn og fullorðna. Það skiptir miklu máli fyrir börn að þau fái góða næringu yfir daginn svo þau hafi orku til þess að takast á við verkefni dagsins.
Íslensk börn dvelja nú til dags stóran hluta af deginum í leikskóla og mörg börn borða þrjár máltíðir yfir daginn í leikskólanum, morgunmat, hádegismat og síðdegishressingu. Ef að barn er allan daginn í leikskóla þá fær það barn 75% af sinni fæðu þar og því er mjög mikilvægt að hugað sé að því hvað börnin fá að borða. Margir leikskólar leggja mikinn metnað í að hafa góða og holla fæðu og fræðsla um hollt og óhollt mataræði verður sífellt viðameiri þáttur í starfinu.
Lýðheilsustöð gaf út árið 2006 bækling sem heitir Ráðleggingar um mataræði og næringarefni fyrir fullorðna og börn frá tveggja ára aldri. Í þessum bækling er ýmislegt fróðlegt að finna og ætti þessi bæklingur að vera til á öllum leik og grunnskólum sem og á heimilum landsmanna. Með því að fylgja ráðleggingum um mataræði má koma í veg fyrir skort á næringarefnum og einnig að stuðla að jafnvægi milli næringarefna.
Ég ákvað að gera könnun og kanna hvernig staðið var að mataræði barna í leikskólum í Reykjanesbæ, og hvernig viðhorf leikskólastjóranna væri almennt til hollustu og næringar barna. Könnunin gekk vel og niðurstöðurnar sýndu að mjög vel er staðið að mataræði og hollustu á leikskólum Reykjanesbæjar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Næring og heilsa leikskólabarna.pdf | 347.58 kB | Opinn | Heildartexti | Skoða/Opna |