is Íslenska en English

Lokaverkefni (Bakkalár)

Háskóli Íslands > Heilbrigðisvísindasvið > B.S. verkefni - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21752

Titill: 
  • Lesblinda: Birtingarmynd hennar á sjálfsmatskvarða borin saman við mælingu á lestrarframmistöðu. Skýrt afmarkaður hópur, undirhópar eða vídd lestrarerfiðleika?
  • Titill er á ensku Dyslexia: Its manifestation on a self report measure compared to a measurement of reading performance. A clearly defined group, subtypes, or a dimension of reading problems?
Námsstig: 
  • Bakkalár
Útdráttur: 
  • Birtingarmynd lesblindu á mælingu byggðri á sjálfsmati var borin saman við lestrarframmistöðu á þremur lestrarprófum. Athugað var meðal annars hvort tilvist undirhópa lesblindra væri á rökum reist og var hún metin með mælingum þriggja lestrarprófa annars vegar og sjálfsmatskvarða hins vegar. Einnig var skoðuð í því samhengi frammistaða þátttakenda sem greindir voru með ADHD og lesblindu. Skoðað var hvort lestur lesblindra einkenndist af hægum lestri fremur en villufjölda eins og talið hefur verið um birtingarmynd lesblindu í grunnum rithætti. Þátttakendur voru 40 í hópi lesblindra og 40 í hópi dæmigerðra lesenda og voru valdir með hentugleik. Parað var í hópa útfrá aldri, kyni og menntunarstigi. Lestrarprófin þrjú voru listar algengra orðmynda, sjaldgæfra orðmynda og orðleysa. Sjálfsmatskvarðinn var nýlega staðfært skimunarpróf lesblindu hjá fullorðnum á Íslandi og kallast hann ARHQ-Ice. Skoðuð var dreifing lesblindra á öllum mælingum og var borin saman við dreifingu samanburðarhóps útfrá þeirri hugmynd að birtingarmynd lesblindu myndi gefa til kynna vídd fremur en einn eða fleiri skýrt afmarkaða hópa í lestrarframmistöðu. Dreifingin var borin saman við dreifingu á ARHQ-Ice og athugað hve vel skimun þess á þátttakendum í áhættuhóp lesblindu endurspeglaði frammistöðu þátttakenda í lestri. Niðurstöður urðu þær að dreifing gaf ekki til kynna skýrt afmarkaða hópa heldur skaraðist dreifing beggja hópa á öllum lestrarprófum. Ekki var hægt að finna sérstaka undirhópa. Réttmæti ARHQ-Ice var staðfest útfrá skimun þess í rétta hópa miðað við hvort þátttakendur hefðu greiningu eða ekki. En frammistaða á lestrarprófum hafði litla fylgni við skimunina sem gæti gefið til kynna breytta stöðu þeirra sem inngripa hafa notið á lífsleiðinni eða aukna reynslu af lestri sem endurspeglast í bættri frammistöðu miðað við sjálfsmat á reynslu fortíðar sem ARHQ-Ice er að hluta byggður á.

Samþykkt: 
  • 30.5.2015
URI: 
  • http://hdl.handle.net/1946/21752


Skrár
Skráarnafn Stærð AðgangurLýsingSkráartegund 
Lesblinda Margrét Guðmundsdóttir.pdf1.35 MBOpinnHeildartextiPDFSkoða/Opna