Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/21841
Yfirfærsla barna milli leik- og grunnskóla er talin hafa mikil áhrif á upplifun
þeirra af grunnskólagöngunni. Stór þáttur í jákvæðri yfirfærslu er að það sé
samfella milli skólastiganna, þ.e. að í grunnskólanum er byggt ofan á
þekkingu og reynslu barna sem þau hafa öðlast í leikskólanum. Það er því
mikilvægt að horfa til þessara þátta og stuðla að skólakerfi sem leggur
áherslu á að börn upplifi á jákvæðan hátt að fara úr leikskóla og í grunnskóla.
Í ritgerðinni er sagt frá starfendarannsókn sem gerð var á Akureyri þar
sem tilgangurinn var að byggja enn betri brú milli leik- og grunnskóla. Hluti
af rannsókninni er þróunarverkefni sem leikskólarnir Lundarsel og Pálmholt
unnu ásamt hverfisgrunnskólanum Lundarskóla. Þróunarverkefnið heitir
Leikum og lærum saman. Í þróunarverkefninu var gerð könnun um líðan
barna við skólaskilin ásamt könnunum til foreldra og kennara um viðhorf
þeirra til þróunarverkefnisins. Einnig voru niðurstöður læsisprófs í 1. bekk
skoðaðar með það að leiðarljósi að sjá hvort börn sem tóku þátt í
þróunarverkefninu hefðu meiri lestrarfærni en samanburðarhópur. Til
viðbótar könnunum í þróunarverkefninu var gerð framhaldsrannsókn þar sem
læsisniðurstöður í 1. bekk voru skoðaðar til að athuga hvort börn í
samstarfsleikskólum, þ.e. leikskólum sem eiga í reglulegu samstarfi við
grunnskólann, hefðu meiri lestrarfærni en börn úr öðrum leikskólum. Sú
rannsókn náði til fjögurra grunnskóla og fjögurra árganga 1. bekkjar.
Rannsóknarspurningin er: Hefur samstarf leik- og grunnskóla áhrif á líðan
barna og lestrarnám þeirra við grunnskólabyrjun?
Meginniðurstöður rannsóknanna sýna að það er hægt að bæta líðan barna
með því að auka við hefðbundið samstarf milli skólastiga. Niðurstöður sýna
einnig vísbendingar í þá átt að börn sem koma úr samstarfsleikskólum standi
sig betur í lestrarnáminu. Þetta má mögulega rekja til þess að þau eru
öruggari í skólaumhverfinu þar sem skólastigin hafa verið í samstarfi um
aðlögun barnanna að grunnskólanum. Rannsóknin sýnir mikilvægi þess fyrir
kennara að vera sífellt að leita að leiðum til framfara í starfi sínu.
The transition of children between preschool and primary school has a major
impact on the children‘s primary school experience. Building on the
knowledge and experience the children gained in preschool provides is an
important part of a positive transition into primary school. Continuity and a
positive transition between school levels should therefore be emphazied in
the development of an educational system.
An action research was conducted in Akureyri on building a better bridge
between preschool and primary school. The research also covered a
development project, Play and learn together, involving the preschools
Lundarsel and Pálmholt, and the primary school Lundarskóli. A survey on
childrens well-being when transitioning between school levels was conducted
along with surveys measuring parents and teachers attitudes towards the
project. Furthermore, results from first grade literacy tests were examined to
explore whether children who participated in the development project had
better reading abilities than children who did not. An extension study on
literacy results in first grade was also conducted. The purpose was to check
whether children in preschools who participated in a regular collaboration
with a primary school had better reading abilities than children from other
preschools. The study included four primary schools over a four year period.
The research question is: Does collaboration between preschool and primary
school affect childrens well-being and reading abilities as they start primary
school?
The main results of the studies show that increasing the traditional
cooperation between school levels can improve the well-being of children.
The results also provide evidence that children from collaboration preschools
perform better in literacy studies. This may be due to the fact that the
children are more confident to the collaboration of the two school levels. The
study shows the importance of teachers being constantly looking for ways to
progress in their work.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
M.A.-Lokaeintak-HBP.pdf | 2.33 MB | Opinn | Heildartexti | Skoða/Opna |