is Íslenska en English

Lokaverkefni (Bakkalár)

Háskólinn á Bifröst > Viðskiptadeild > Lokaverkefni í viðskiptadeild (BS) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22062

Titill: 
  • Tengsl stjórnunarhátta við líðan í starfi : rannsókn á þjónandi forystu í Arion banka
  • Titill er á ensku Relations between governance and professional contentment : Research on servant leadership at Arion bank
Námsstig: 
  • Bakkalár
Útdráttur: 
  • Tilgangur þessa verkefnis er að fjalla um rannsókn sem lögð var fyrir starfsfólk Arion banka í maí 2014. Markmið rannsóknarinnar var að kanna vægi þjónandi forystu meðal yfirmanna Arion banka ásamt því kanna hversu há starfsánægja mældist meðal þátttakenda og hvort þeir sýndu einkenni kulnunar í starfi. Þá var einnig kannað hvort tengsl væru annars vegar á milli þjónandi forystu og starfsánægju og hins vegar milli þjónandi forystu og einkenna um kulnun í starfi. Spurningalisti var lagður fyrir alla starfsmenn Arion banka og var honum skipt upp í fjóra þætti: Í fyrsta lagi SLS mælitækið (e. Servant leadership survey), sem mælir viðhorf starfsmanna til þjónandi forystu hjá næsta yfirmanni, í öðru lagi starfskulnunarlisti Maslachs (e. Maslach burnout inventory), sem mælir einkenni um kulnun í starfi, í þriðja lagi starfsánægjuspurning og að lokum bakgrunnsspurningar. Mælitækinu um þjónandi forystu er skipt í átta þætti: efling, auðmýkt, falsleysi, hugrekki, forgangsröðun í þágu annarra, ábyrgðarskylda, fyrirgefning og ráðsmennska; niðurstöður rannsóknarinnar voru greindar samkvæmt þeim.
    Niðurstöðurnar leiddu í ljós að vægi þjónandi forystu er hátt meðal yfirmanna Arion banka og það hæsta sem mælst hefur í sambærilegum rannsóknum hérlendis með sama mælitæki. Sá þáttur sem mældist hæstur var efling og var lægsti þáttur rannsóknarinnar hugrekki. Starfsánægja var mikil meðal þátttakenda og voru eingöngu 10% þeirra óánægðir eða mjög óánægðir í starfi sínu hjá bankanum. Þá mældust í heildina lítil einkenni um kulnun meðal þátttakenda rannsóknarinnar en einungis 3% þeirra mældust með mikil einkenni um kulnun í starfi.
    Marktæk jákvæð tengsl komu í ljós milli þátta þjónandi forystu og starfsánægju og einnig marktæk neikvæð tengsl milli þátta þjónandi forystu og einkenna um kulnun. Gefa niðurstöður rannsóknarinnar til kynna að þjónandi forysta leiði til aukinnar starfsánægju og einnig að skortur á þjónandi forystu leiði til aukinna einkenna um kulnun í starfi.
    Lykilhugtök: þjónandi forysta, leiðtogi, stjórnun, forysta, starfsánægja, kulnun, bankastarfsmenn, Arion banki

  • Útdráttur er á ensku

    The purpose of this thesis is to discuss a survey which was conducted among the employees of Arion bank in May 2014. The research‘s objective was to measure the importance of servant leadership among the bank’s managers as well as to evaluate the level of job satisfaction among the participants and whether they displayed any symptoms of job burnout. In addition, the relationship between servant leadership and job satisfaction, on the one hand, and servant leadership and the symptoms of a job burnout, on the other, was also evaluated. A questionnaire was presented to all the employees of Arion bank; the questionnaire was split into four parts. The first part was comprised of the Servant Leadership survey which measures the employees’ attitude towards servant leadership as performed by their closest supervisor. The second part was the Maslach burnout inventory which measures the symptoms of job burnout; the third part was a question about job satisfaction and the fourth and last part were questions about the employees’ background. The Servant Leadership survey is divided into eight elements: empowerment, humility, authenticity, courage, standing back, accountability, interpersonal acceptance and stewardship; the survey’s results were analysed according to these elements.
    The results revealed that managers at Arion bank put great importance on servant leadership and is, in fact, the highest score measured compared to equivalent researches conducted in Iceland using the same survey. Of the eight elements mentioned above, the highest scoring was empowerment and the one with the lowest score was courage. The level of job satisfaction was high among the participants and only 10% expressed dissatisfaction or great dissatisfaction with their jobs at the bank. On the whole, the participants showed little symptoms of job burnout and only 3% were found to show evident signs of burnout.
    There was a significant positive association between the elements of servant leadership and job satisfaction, but also significant negative association between the elements of servant leadership and the symptoms of job burnout. The results of the research indicate that servant leadership leads to increased job satisfaction and also that the lack of servant leadership leads to increased symptoms of job burnout.
    Key concepts: servant leadership, leader, management, job satisfaction, burnout, bank employees

Samþykkt: 
  • 15.6.2015
URI: 
  • http://hdl.handle.net/1946/22062


Skrár
Skráarnafn Stærð AðgangurLýsingSkráartegund 
ThelmaKristinKvaran_BS_lokaverk.pdf1.28 MBOpinnHeildartextiPDFSkoða/Opna

Athugsemd: Útprentun og/eða afritun er óheimil nema með skriflegu leyfi höfundar. Verkið er verndað af ákvæðum höfundarlaga.