is Íslenska en English

Lokaverkefni (Meistara)

Listaháskóli Íslands > Myndlistardeild / Department of Fine art > Lokaritgerðir / Theses (MA) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/22242

Titill: 
  • Sætar sprengjur
Námsstig: 
  • Meistara
Útdráttur: 
  • Í þessum skrifum fjalla ég um sjálfa mig sem einstakling í samfélagi í tengslum við listsköpun mína og þá fyrirhugað útskriftarverk. Grunnhugmynd verksins er ádeila og gagnrýni á ofbeldi og stríðsrekstur sem ég rek til samfélagslegra meina eins og græðgi, forréttindahyggju og ásókn í völd. Auk þess að kynna þann grunn sem listsköpun mín sprettur úr tengi ég hugmyndir mínar og vinnu við listastefnu Fluxus, listamenn eins og Joseph Beuys í samfélagslegu samhengi, Söruh Lucas og mikilvægi sjálfsmyndar listamanns og fleiri. Þá ræði ég töluvert um sjónarhorn feminista á stríðsrekstur og kalla þar til enska rithöfundinn Virginu Wolf og bandaríska heimspekinginn og bókmenntafræðinginn Susan Sonntag. Tveir menn í hringiðu stríðsátaka er heiti á undirkafla þar sem ég segi frá hvernig tveir samtímamenn, annar sænskur maður af kúrdískum uppruna, hinn írskur myndlistarmaður, fara á stríðsátakasvæði, í mismunandi tilgangi, annar til að berjast gegn hryðjuverkamönnum hinn til að skapa listaverk.
    Ég vinn með tákn, í Sætum sprengjum er sprengjan tákn. Ég stefni ég saman andstæðum hugmyndum og andstæðum í efni; karllægt – kvenlægt, ást – stríð, firring -nánd. Verkið fjallar um um konur, karla og völd, valdatogstreitu og kúgun. Það að varpa sprengju er hreint ofbeldi sem leyfir engar málamiðlanir, aðgerðin er algerlega afdráttarlaus og óafturkræfanleg. Ég vil vekja sýningargesti til umhugsunar um allt það sem gert er í skjóli stríða og áhrif þess á gerendur, þolendur og samfélög.
    Í verkinu kem ég fram sem gestgjafi. Ég baka sætar kökur og nýt þess að vera í hlutverki gestgjafans. Athöfnin að gefa og þiggja felur í sér jákvæð samskipti fyrir alla, gesti og gestgjafa. Ég vil vekja fólk til umhugsunar um þá atburði sem eiga sér stað í heiminum með þeim aðferðum sem ég kann og er í aðstöðu til að nota. Í því samhengi vísa ég í franska heimspekinginn Jacques Derrida en hann fjallað mikið um eðli og eiginleika gestrisninnar.
    Í viðauka undir yfirskiftinni Lokaverkið – Sætar sprengjur sem unninn var eftir uppsetningu verksins í Gerðarsafni fer ég yfir vinnuna í rýminu, þær breytingar sem urðu á tímabilinu frá því að ritgerðinni var skilað og fram að uppsetningu. Þá fjalla ég um virkni verksins og samskipti við gesti sem eru afar þýðingarmikill hluti þess þar sem um gjörning er að ræða.

Samþykkt: 
  • 24.6.2015
URI: 
  • http://hdl.handle.net/1946/22242


Skrár
Skráarnafn Stærð AðgangurLýsingSkráartegund 
forsida_Solveig.pdf161.98 kBOpinnForsíðaPDFSkoða/Opna
lokarit_Solveig.pdf16.07 MBOpinnMeginmálPDFSkoða/Opna