EnglishisÍslenska

Member institutions

Search in


ThesisUniversity of Iceland>Menntavísindasvið >B.A./B.Ed./B.S. verkefni>

Please use this identifier to cite or link to this item: http://hdl.handle.net/1946/226

Title
is

Er myndlist í grunnskólum jaðargrein? : samanburður á stöðu og viðhorfi til myndlistar í tveimur skólum

Abstract
is

Meginefni þessarar ritgerðar er rannsókn á stöðu myndlistar í tveimur skólum með ólíkar kennslustefnur. Í öðrum skólanum er fagmiðuð myndlistarkennsla en í hinum er myndlistarkennslan einstaklingsmiðuð. Markmið rannsóknarinnar var að kanna hvort myndlistarkennslan héldi stöðu sinni þegar einstaklingsmiðuð kennsla tekur við af fagmiðaðri myndlistarkennslu í grunnskólunum. Tekið var mið af þáttum eins og fjármagni til greinarinnar, tímamagni og húsnæði við breytta kennslustefnu í skólastarfi. Rannsóknin er tilviksrannsókn (e.case study) og var gerð í febrúar og mars 2007. Gagna var aflað með opnum einstaklingsviðtölum við tvo myndlistarkennara sinn í hvorum skóla og kenndu þeir báðir myndlist í fimmta bekk. Kennararnir höfðu svipaðan bakgrunn, m.t.t. menntunar og starfsreynslu. Einnig voru gerðar vettvangsathuganir í báðum bekkjunum. Gögnin voru lykluð í þemu og flokka sem lýsa markmiðunum. Meginniðurstöður rannsóknarinnar eru þær að myndlist í skóla með einstaklingsmiðaða kennslu hefur sterkari stöðu innan skólans en í þeim með fagmiðaða hvað varðar fjármagn, tímamagn og húsnæði. Nemendum í einstaklingsmiðaðri kennslu bjóðast einnig fleiri tækifæri til að vinna að myndlist utan hefðbundinna myndlistartíma. Vegna aukinnar kröfu um að börn geti brugðist rétt við margs konar myndrænni framsetningu á upplýsingum þurfa skólayfirvöld að halda vöku sinni og búa nemendur sem best undir framtíðina með því að gera myndlistinni hátt undir höfði í starfi grunnskólanna.

Issued Date
20/06/2007


Artifacts
Name[Sortable]Size[Sortable]Visibility[Sortable]Description[Sortable]Format
Heildarskjal.pdf1.66MBOpen Heildarskjal PDF View/Open