Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2266
Ýmsir þættir hafa áhrif á fjölda þingkvenna í lýðræðisríkjum. Í þessari ritgerð er kannað hvort aðild að Evrópusambandinu sé einn þeirra áhrifaþátta. Lagt er upp með þá tilgátu að Evrópusambandið hafi áhrif til fjölgunar þingkvenna hjá ríkjum sem ganga í sambandið. Orsakasambandið væri þá á þá leið að jafnréttislöggjöf sambandsins og aðgerðir til kynjasamþættingar verði til þess að fjölga þingkonum í þeim löndum sem ganga í Evrópusambandið hraðar en ella. Eftir umfjöllun um konur og stjórnmál er birt rannsókn þar sem ríkin tíu sem gengu í Evrópusambandið árið 2004 eru notuð sem úrtak og borin saman við önnur ríki sambandsins. Kannað er hvort þingkonum hafi fjölgað hlutfallslega meira í úrtaksríkjunum og miðað er við ákveðna tímapunkta; fyrstu kosningar eftir hrun kommúnismans, kosningar fyrir og eftir inngöngu í Evrópusambandið og nýjustu kosningar ef þeim er að skipta. Niðurstöður sýna að þingkonum hefur ekki fjölgað hlutfallslega meira í úrtaksríkjunum en í öðrum Evrópusambandsríkjum.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Ahrif_EU_a_thingkonur_fixed.pdf | 592.81 kB | Opinn | Heildartexti | Skoða/Opna |