Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2301
Afsagnir ráðherra hafa verið umtalsvert tíðari í Svíþjóð en á Íslandi frá árinu 1970. Hvaða skýringar má finna á því? Að Ísland sé bananalýðveldi eða í ólíkum lögum, regluverki og stjórnkerfi? Fjallað verður um lýðræðiskenningar, tengsl þeirra við stjórnkerfi ríkjanna, mun á pólitísku veitingarvaldi, ytri skorður á stjórnvöld og ráðherraábyrgð. Dæmi um ytri skorður eru aðild Íslands að EES og aðild Svíþjóðar að ESB.Ráðherraábyrgð skiptist í lagalega ábyrgð og pólitíska ábyrgð. Þessir þættir eru skoðaðir til þess að athuga hvort skýra megi mun á fjölda afsagna með þeim að einhverju leyti. Að lokum verður farið stuttlega yfir afsagnir ráðherra í hvoru ríki frá 1970 til 2009. Niðurstöður eru m.a. þær að lagabókstafurinn sé skýrari í Svíþjóð en á Íslandi um ráðherraábyrgð og aðhald með stjórnvöldum meira. Ráðherrar eru bundnir sterkari aga innan ríkisstjórna í Svíþjóð og hafa minna sjálfstæði en á Íslandi. Pólitísk þrýstiöfl sem veita stjórnvöldum aðhald hafa einnig verið sterkari í Svíþjóð.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
gfm1_fixed.pdf | 380.95 kB | Opinn | Heildartexti | Skoða/Opna |