Tengsl feðra við börn sín sem eiga fasta búsetu hjá móður

Abstract

Í ritgerðinni er fjallað um tengsl feðra við börn sín sem eiga fasta búsetu hjá móður sinni. Til þess að komast að því hvernig tengslum þessara feðra við börn sín er háttað er fjallað um forsjá, hvort sem hún er sameiginleg eða eingöngu í höndum móður. Skoðaðar eru íslenskar rannsóknir um forsjá og tölfræði henni tengdri. Þá er fjallað um kenningar er mögulega útskýra tengsl forsjárlausra feðra við börn sín og ýmsa aðra áhrifaþætti. Niðurstöður sýna fram á að forsjárfyrirkomulag segir ekki alfarið til um það hversu mikið feður umgangast börn sín. Hins vegar er ljóst að feður sem fara með sameiginlega forsjá með móður standa sterkar að vígi þegar kemur að ákvarðanatöku um málefni barna sinna og hafa jafnan rétt á við móður og það hugsanlega styrkir þá í föðurhlutverkinu. Feður án forsjár geta þó haft mikil áhrif á tengsl við börn sín, sérstaklega ef samkomulag foreldra er gott.