Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/23768
Viðfangsefni þessarar rannsóknar var starfsánægja og áhrifaþættir hennar. Fjölmargir þættir geta haft áhrif á viðhorf fólks til starfsánægju og eru þeir einnig mismunandi milli einstaklinga. Höfundi fannst því áhugavert að kanna hverjir þessir þættir eru hjá starfsfólki í útibúum Arion banka ásamt því að kanna hvort stærð vinnustaðar hafi áhrif á starfsánægju. Rannsóknarspurningin var því eftirfarandi:
„Hvaða þættir hafa áhrif á starfsánægju og skiptir stærð vinnustaðar máli þegar kemur að starfsánægju?”
Stuðst var við samleitandi snið þar sem bæði eigindlegra og megindlegra gagna var aflað, þau greind hvort í sínu lagi en síðan tengd saman þar sem við átti.
Megindlegi hluti rannsóknarinnar var í formi spurningakönnunar sem send var á starfsfólk tveggja útibúa bankans. Eigindlegi hluti rannsóknarinnar fór þannig fram að tekin voru hálf opin viðtöl við útibússtjóra útibúanna tveggja og starfsmannastjóra fyrirtæksins.
Niðurstöður rannsóknarinnar leiddu í ljós að starfsmenn virtust frekar ánægðir í starfi sínu í heildina litið. Stærð vinnustaðar virtist ekki skipta máli varðandi heildaránægju starfsfólks en tveir af þremur einstökum þáttum komu þó betur út á minni vinnustaðnum.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BS-ritgerð_AudurStefansdottir_skemman.pdf | 2.21 MB | Opinn | Heildartexti | Skoða/Opna | |
Efnisyfirlit.pdf | 96.16 kB | Opinn | Efnisyfirlit | Skoða/Opna |
Athugsemd: Ritgerðin er lokuð að ósk höfundar vegna viðkvæmra upplýsinga.