is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/24261

Titill: 
  • Nýliðar í Alþingiskosningum: Greining á umfjöllun vefmiðla um Pírata og Bjarta framtíð í aðdraganda alþingiskosninga 2013
Námsstig: 
  • Bakkalár
Leiðbeinandi: 
Útdráttur: 
  • Í þessu verkefni er umfjöllun vefmiðlanna mbl.is, visir.is, eyjan.is, dv.is og ruv.is um nýju flokkana sem náðu fulltrúum inn á þing árið 2013, þ.e. Bjarta framtíð og Pírata, skoðuð í aðdraganda kosninganna. Til greiningar var tekið um tveggja mánaða tímabil í aðdraganda alþingiskosninganna 2013 en fylgi Bjartrar framtíðar og Pírata þróaðist sitt í hvora áttina í aðdraganda kosninga. Björt framtíð mældist þó með talsvert fylgi í byrjun tímabilsins sem skoðað var. Fylgi flokksins dróst nokkuð saman eftir því sem nær dró kosningum. Fylgi Pírata var hins vegar í byrjun fyrir neðan þau 5% atkvæða sem þarf til þess að stjórnmálaflokkur nái sæti á þingi. Fylgi flokksins jókst þó nokkuð eftir því sem nær dró kosningum en fylgi flokksins náði ákveðnu hámarki nokkrum dögum fyrir kosningar. Umfjöllun í fréttum, ritstjórnarpistlar um flokkana og viðtöl við frambjóðendur voru metin eftir því hvort þau töldust jákvæð, neikvæð eða hlutlaus fyrir framboðin. Einnig var stuðst við skýrslu Creditinfo sem var unnin eftir alþingiskosningarnar 2013 við mat á umfjöllun vefmiðlanna. Niðurstöður skýrslu Creditinfo voru notaðar til að bera saman við niðurstöður þeirrar greiningar sem liggur að baki þessa verkefnis.
    Kenningarlegur rammi verkefnisins er kenning Maxwell McCombs og Donald Shaw um dagskráráhrif (e. agenda setting) fjölmiðla, ásamt kenningunni um innrömmunaráhrif (e.framing).
    Niðurstöðurnar greiningarinnar leiða í ljós að nokkur munur var á umfjöllun um flokkana. Meirihluti umfjöllunar um báða flokka var hlutlaus á meðan umfjöllun um Bjarta framtíð neikvæðari. Jákvæð umfjöllun um flokkinn var jafnframt næsta takmörkuð sem ætla má að hafi stafað af fallandi fylgi hans samkvæmt skoðanakönnunum í aðdraganda alþingiskosninganna 2013. Töluvert meira var um jákvæða umfjöllun um Pírata en um neikvæða umfjöllun.

Samþykkt: 
  • 6.5.2016
URI: 
  • http://hdl.handle.net/1946/24261


Skrár
Skráarnafn Stærð AðgangurLýsingSkráartegund 
BA ritgerð.pdf1.12 MBOpinnHeildartextiPDFSkoða/Opna