Orðspor Icelandair. Rannsókn á orðspori Icelandair meðal almennings og starfsfólks

Abstract

Orðspor er mikilvægt, margvítt og flókið hugtak sem tengist náið hugtakinu ímynd. Í gegnum markaðsstarf reyna fyrirtæki að hafa áhrif á orðspor sitt en vegna eiginleika hugtaksins getur það starf verið vandasamt og snúið verkefni, þar sem orðspor þróast oft yfir langan tíma.Mikilvægt er að fyrirtæki geri sér grein fyrir orðspori sínu og ekki síst þegar samkeppni á markaði eykst. Þessi rannsókn fjallar um orðspor Icelandair bæði meðal almennings og starfsfólks Icelandair. Icelandair er vel þekkt fyrirtæki sem hefur átt farsælan feril í hörðu alþjóðlegu samkeppnisumhverfi. Markmið rannsóknarinnar var að kanna orðspor Icelandair og kanna hver staðsetning Icelandair sé í líkani Cannon og Schwaiger sem styðst við hluta af spurningalisti rannsóknarinnar. Niðurstöður rannsóknarinnar benda til þess að almennt hafi fólk, jafnt almenningur sem starfsfólk, jákvætt viðhorf til orðspors Icelandair og tengir það við marga jákvæða þætti, svo sem traust og gæði. Helstu takmarkanir rannsóknarinnar var hversu einsleitir hóparnir voru og fjöldi þátttakenda.