Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/2635
Hlutabréfamarkaður og sjávarútvegur eru viðfangsefni þessarar ritgerðar. Á fyrstu
árum hlutabréfamarkaðar á Íslandi streymdu sjávarútvegsfyrirtækin þangað í stríðum
straumum en yfirgáfu flest þennan vettvang á mjög stuttum tíma. Markmið
ritgerðarinnar er að varpa ljósi á þá atburðarás.
Tilgangurinn er að kanna hvort þættir í ytra starfsumhverfi gerðu það að verkum að
þau sáu sér ekki hag í skráningu, eða hvort um innri þætti greinarinnar sjálfrar hafi
verið að ræða sem gerðu henni ókleift að starfa á þessum vettvangi.
Í ritgerðinni er fjallað nokkuð ítarlega um valda þætti sem taldir eru hafa áhrif á
fyrirtæki á hlutabréfamarkaði er tengjast inngöngu, útgöngu og veru þeirra þar. Auk
þess er íslenskur og erlendur sjávarútvegur skoðaður í samhengi við rannsóknarefnið.
Rannsóknarsniðin eru annars vegar eigindleg aðferð og hins vegar töluleg greining. Í
eigindlegu aðferðinni voru tekin viðtöl við sjö manns sem voru þátttakendur í
atburðarásinni með einum eða öðrum hætti. Tölulegar upplýsingar voru notaðar til
samanburðar á sjávarútvegi og öðrum atvinnugreinum innan Kauphallarinnar.
Helstu niðurstöður rannsóknarinnar eru þær að breytt fjármálaumhverfi hafi breytt
forsendunum fyrir veru fyrirtækjanna inn á markaðnum. Aðrar atvinnugreinar uxu
meira og bréf þeirra ávöxtuðu sig mikið meira sem gerði samanburðinn við
sjávarútvegsfyrirtækin afar óhagstæðan. Vísbendingar komu fram um að vanmat á
sjávarútvegsfyrirtækjunum hafi verið til staðar og stjórnendur fyrirtækjanna hafi séð
hag sínum betur borgið með afskráningu þeirra. Takmarkanir greinarinnar, bæði
vegna laga og náttúru, gera hana ekki vel til þess fallna að vera á hlutabréfamarkaði.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
ttir_fixed.pdf | 606.8 kB | Opinn | Heildartexti | Skoða/Opna |