Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/27013
EES-samningurinn er umfangsmesti alþjóðasamningur sem Ísland hefur gert. Aðild að samningnum felur m.a. í sér skyldu Íslands til þess að framselja að hluta ríkisvald til stofnana EES. Ekki er að finna neinar heimildir um framsal á ríkisvaldi í íslensku stjórnarskránni en þó hefur verið talið að í íslenskum rétti sé í gildi óskráð regla sem heimilar framsal í takmörkuðum mæli. Þó er umfang og inntak reglunnar óljóst. Markmið þessarar ritgerðar er að rekja helstu álitamál tengd framsali á ríkisvaldi vegna EES-samningsins. Sérstaklega verður horft til nýlegra reglugerða Evrópusambandsins um samevrópskt fjármálaeftirlit sem fela í sér framsal á ríkisvaldi í nýjum mæli og frávik frá hinu hefðbundna tveggja stoða kerfi EES. Ásamt framangreindu verður fjallað um inntak EES-samningsins og markmið hans, auk sambands lands- og þjóðaréttar. Í því skyni að treysta framsalsheimildir íslensks réttar er horft til réttarframkvæmdar í Noregi og hvort til bóta væri að innleiða sambærilegt ákvæði og finna má í 115. gr. norsku stjórnarskrárinnar um framsal á ríkisvaldi.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Alexander Örn Júlíusson (1).pdf | 491.27 kB | Lokaður til...01.01.2099 | Heildartexti | ||
Yfirlysing_skemmanA.pdf | 25.61 kB | Lokaður | Yfirlýsing |