is Íslenska en English

Lokaverkefni (Bakkalár)

Háskólinn á Akureyri > Heilbrigðisvísindasvið > B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/290

Titill: 
  • Nemendur með sálfélagslegan vanda og skólaumhverfið
Námsstig: 
  • Bakkalár
Útdráttur: 
  • Tilgangur þessarar rannsóknarinnar var tvíþættur. Annars vegar að kanna
    samsvörun nemenda með erfiðleika af sálfélagslegum toga og skólaumhverfis með
    matstækinu Mat nemenda á skólaumhverfi (MNS) og hins vegar að bera niðurstöður
    saman við fyrirliggjandi upplýsingar um samsvörun nemenda með hreyfihömlun og
    skólaumhverfis. Þátttakendur voru 24 börn og unglingar á aldrinum 9-17 ára með
    erfiðleika af sálfélagslegum toga sem valdir voru með hentugleikaúrtaki. Að auki voru
    nýtt fyrirliggjandi gögn um 39 nemendur með hreyfihömlun á aldrinum 9-18 ára. Notuð
    var megindleg rannsóknaraðferð með lýsandi tölfræði við úrvinnslu gagna og seinni
    rannsóknarspurningunni var svarað með marktektarprófum. Niðurstöður rannsóknarinnar
    sýna minnsta samsvörun á milli nemenda og skóla við matsþættina; að vinna í stærðfræði,
    að skrifa og taka þátt í íþróttum og sundi. Mest er samsvörunin við matstþættina; aðgengi
    að skólanum, samskipti við starfsfólk og að sinna daglegum viðfangsefnum í frímínútum.
    Samanburður á hópunum tveimur leiddi í ljós marktækt meiri þátttöku barna með
    erfiðleika af sálfélagslegum toga heldur en barna með hreyfihamlanir í matsþáttunum; að
    vinna í list og verkgreinum, þátttaka í bekkjarstarfinu, sinna daglegum viðfangsefnum í
    frímínútum, að taka þátt í vettvangsferðum og aðgengi að skólanum. Aftur á móti var
    meiri þátttaka nemenda með hreyfihamlanir í að vinna í stærðfræði. Niðurstöðurnar varpa
    ljósi á þörf nemenda með erfiðleika af sálfélagslegum toga fyrir aðstoð og aðlögun í
    skólaumhverfinu. Þær geta nýst við skipulagningu þjónustu iðjuþjálfa og annarra við
    nemendahópinn, börnum með sérþarfir í námi og fjölskyldum þeirra til hagsbóta.

Samþykkt: 
  • 1.1.2007
URI: 
  • http://hdl.handle.net/1946/290


Skrár
Skráarnafn Stærð AðgangurLýsingSkráartegund 
LOKA-LOKA-LOKA-LOKA.pdf2.19 MBOpinnHeildarskráPDFSkoða/Opna