EnglishisÍslenska

Member institutions

Search in


ThesisUniversity of Iceland>Menntavísindasvið >B.A./B.Ed./B.S. verkefni>

Please use this identifier to cite or link to this item: http://hdl.handle.net/1946/302

Title
is

Framtíð - hraðferð : viðhorf, reynsla og upplifun fjögurra nemenda í 10. bekk af því að sækja og stunda stærðfræðinám sitt í framhaldsskóla og hvernig það er samanborið við stærðfræðinám þeirra í grunnskólanum

Abstract
is

Tilgangur rannsóknarinnar og þessa verkefnis er að varpa ljósi á viðhorf, reynslu og upplifun fjögurra nemenda í 10. bekk af því að sækja og stunda stærðfræðinám sitt við framhaldsskóla og hvernig það er samanborið við stærðfræðinám þeirra í grunnskólanum. Eigindlegum rannsóknaraðferðum var beitt við heimildaöflun þar sem viðtöl voru tekin við fjóra nemendur 10. bekkjar grunnskóla sem jafnframt námi sínu í grunnskólanum stunda nám í stærðfræði á framhaldsskólastigi. Niðurstöður úr viðtölunum eru skoðaðar í ljósi tveggja námskenninga, atferlisstefnu og hugsmíðahyggju, og kennsluaðferða í anda þeirra sem og áhrifa námsumhverfis.
Helstu niðurstöður rannsóknarinnar eru þær að í ljós kom að viðhorf nemendanna fjögurra til stærðfræði voru almennt á þá leið að engin sérstakur áhugi á faginu er til staðar hjá þeim. Reynsla nemendanna af stærðfræðináminu í framhaldsskólanum var að jafnaði jákvæð miðað við reynslu þeirra af stærðfræðináminu í grunnskólanum og þeir töldu sig geta mælt með því við aðra nemendur sem hafa til þess getu og áhuga, að fara þá leið að stunda nám á tveimur skólastigum. Aftur á móti var félagsleg upplifun þeirra í framhaldsskólanum frekar neikvæð og þeir höfðu lítil samskipti við aðra nemendur framhaldsskólans ef frá eru talin samskipti við aðra nemendur 10. bekkjar.

Issued Date
10/08/2007


Artifacts
Name[Sortable]Size[Sortable]Visibility[Sortable]Description[Sortable]Format
Heildarskjal.pdf389KBOpen Heildarskjal PDF View/Open