is Íslenska en English

Lokaverkefni (Meistara)

Háskóli Íslands > Heilbrigðisvísindasvið > Meistaraprófsritgerðir - Heilbrigðisvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3025

Titill: 
  • Áhrif prótólichesterínsýru á frumufjölgun og tjáningu STAT3 próteins í frumulínum úr mergæxli
  • Titill er á ensku Effects of protolichesterinic acid on proliferation and STAT3 protein signaling in multiple myeloma cell lines
Námsstig: 
  • Meistara
Útdráttur: 
  • Rannsóknir hafa sýnt fram á margvíslega líffræðilega virkni prótólichesterínsýru sem
    einangruð er úr fjallagrösum (Cetraria islandica). Meðal annars hefur verið sýnt fram á virkni hennar gegn ensímunum 5- og 12-LOX og fjölgunarhemjandi verkun hennar á krabbameinsfrumur.
    STAT3 er prótein sem gegnir hlutverki umritunarþáttar í kjarna þar sem það virkjar
    ýmis gen, þar á meðal nokkur sem talin eru mikilvæg við framrás krabbameins. STAT3
    er sívirkjað í mörgum tegundum krabbameina en rannsóknir benda til þess að óeðlileg
    STAT3 virkjun sé nauðsynlegt fyrir illkynja breytingar á frumum sem og fyrir viðhald
    og vöxt krabbameina. STAT3 er talið kalla fram aukna frumufjölgun, æðanýmyndun og
    forða illkynja frumum frá stýrðum frumudauða.
    Yfirmarkmið verkefnisins var að skoða hvort prótólichesterínsýra hafi áhrif á STAT3
    boð í tveimur mismunandi mergæxlisfrumulínum. Annars vegar voru áhrif á frumufjölgun og -lifun metin með trypan blá litun. Hins vegar var skoðað hvort
    prótólichesterínsýra hafi áhrif á tjáningu á fosfóruðu STAT3 í frumukjarna. Áhrif á
    próteintjáningu voru skoðuð með Western þrykki.
    Niðurstöður sýna að prótólichesterínsýra hemur marktækt fjölgun í frumulínunum
    tveimur en ekki sáust tölfræðilega marktæk áhrif á frumulifun. Western þrykk á
    kjarnapróteinum hefði þurft að endurtaka oftar en niðurstöðurnar gefa vísbendingu um
    að prótólichesterínsýra hafi hemjandi áhrif á tjáningu á fosfóruðu STAT3.

Samþykkt: 
  • 10.6.2009
URI: 
  • http://hdl.handle.net/1946/3025


Skrár
Skráarnafn Stærð AðgangurLýsingSkráartegund 
xli_fixed.pdf4.4 MBLokaðurHeildartextiPDF