EnglishisÍslenska

Member institutions

Search in


ThesisUniversity of Akureyri>Heilbrigðisvísindasvið>B.S. verkefni>

Please use this identifier to cite or link to this item: http://hdl.handle.net/1946/3135

Title
is

Að spyrja er ekki bara að spyrja : forprófun spurningalista um upplifun kvenna af fæðingu

Abstract
is

Hver og ein barnsfæðing er einstök og því ekki hægt að segja til um fyrirfram hvernig hún verður. Fæðing er náttúrulegt ferli sem getur tekið á sig ýmsar myndir. Konur upplifa tíma fæðingar á mismunandi hátt og erfitt er að skilgreina hvenær fæðing byrjar og hvenær hún endar. Margt getur haft áhrif á upplifun konunnar af fæðingu svo sem verkir og stuðningur. Tilgangur rannsóknarinnar var að forprófa hluta af spurningalistanum Barneign og heilsa. Spurningalistinn er einn af þremur spurningalistum sem er hluti af stærri rannsókn sem framkvæmd hefur verið á Norðurlöndunum og er forprófun rannsakenda liður í framkvæmd hennar hér á landi. Forprófunin fól í sér könnun á skilningi þátttakenda á helstu hugtökum ásamt orðalagi hluta af spurningum spurningalistans Barneign og heilsa.
Sett var fram ein rannsóknarspurning:
Skilur meirihluti þátttakenda meginhugtök spurningalistans Barneign og heilsa á sambærilegan hátt og svara þeir eins milli fyrri og seinni fyrirlagnar?
Notast var við megindlega og eigindlega rannsóknaraðferð við forprófun á spurningalistanum. Megindlegi hluti rannsóknarinnar fólst í því að leggja spurningalistann tvisvar sinnum fyrir þátttakendur með tveggja vikna millibili og vinna úr niðurstöðum. Niðurstöðurnar voru settar í töflureikninn Excel og þannig bornar saman niðurstöður úr fyrri og seinni fyrirlögn spurningalistans. Eigindlegi hluti rannsóknarinnar fólst í því að tekin voru viðtöl við þátttakendur með hugrænni viðtalstækni og þannig kannaður skilningur þátttakenda á völdum spurningum spurningalistans. Þátttakendur voru átta konur af Suðurnesjum sem áttu börn yngri en þriggja mánaða og voru fædd á tímabilinu desember 2008 til janúar 2009. Þátttakendur skiptust í fjórar frumbyrjur og fjórar fjölbyrjur.
Samkvæmt rannsóknarniðurstöðum virðast þátttakendur skilja spurningar spurningalistans en skilgreina þó einstök hugtök hans á mismunandi hátt og oft út frá eigin reynslu. Þátttakendur svara nánast eins milli fyrri og seinni fyrirlagnar. Matstækið reynist vera nokkuð réttmætt í sinni núverandi mynd en telja rannsakendur þó að það þurfi að ígrunda vel hvað er að baki hverrar spurningar.

Comments
is

Verkefnið er lokað

Issued Date
30/06/2009


Artifacts
Name[Sortable]Size[Sortable]Visibility[Sortable]Description[Sortable]Format
Efnisyfirlit.pdf16.6KBOpen Að spyrja er ekki bara að spyrja: Forprófun spurningalista um upplifun kvenna af fæðingu - efnisyfirlit PDF View/Open
Forsíða.pdf84.6KBOpen Að spyrja er ekki bara að spyrja: Forprófun spurningalista um upplifun kvenna af fæðingu - forsíða PDF View/Open
Heimildaskrá.pdf25.9KBOpen Að spyrja er ekki bara að spyrja: Forprófun spurningalista um upplifun kvenna af fæðingu - heimildaskrá PDF View/Open
Lokaverkefni í heild.pdf1.17MBLocked Að spyrja er ekki bara að spyrja: Forprófun spurningalista um upplifun kvenna af fæðingu - heild PDF  
Útdráttur.pdf13.6KBOpen Að spyrja er ekki bara að spyrja: Forprófun spurningalista um upplifun kvenna af fæðingu - útdráttur PDF View/Open