EnglishisÍslenska

Member institutions

Search in


ThesisUniversity of Akureyri>Hug- og félagsvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/3155

Title
is

Konur, stjórnun og samskipti : stjórnunaraðferðir kvenna í ólíkum atvinnugeirum

Abstract
is

Í þessari ritgerð er greint frá niðurstöðum rannsóknar á stjórnunaraðferðum kvenna innan þriggja ólíkra starfsgreina. Markmið rannsóknarinnar var að auka skilning á stjórnunaraðferðum kvenna í ólíkum starfsgreinum og áhrifum kynferðis og starfsvettvangs á stjórnun. Auk þess var leitast við að varpa ljósi á hvernig þátttakendur upplifa sig í samspili við umhverfi sitt og hvernig þeim gengi að samræma stjórnunarstarf sitt og fjölskyldulíf.
Rannsóknin var byggð á eigindlegri aðferð og fól í sér þau nýmæli hérlendis að stjórnunaraðferðir og störf kvenstjórnenda í þjónustu við fatlaða, í iðnaði og framleiðslu og í fjármálaþjónustu voru skoðuð samtímis. Gagna var aflað með hálfstöðluðum viðtölum við ellefu kvenstjórnendur sem starfa í fyrrnefndum atvinnugreinum. Helstu upplýsinga sem aflað var lutu að aðstæðum kvenna á vettvangi stjórnunar, stjórnunaraðferðum þeirra, margvíslegum samskiptum sem stjórnendur eiga í og samræmingu starfs og fjölskyldulífs.
Meginniðurstöður rannsóknarinnar voru að starfsvettvangur og kynferði hafa lítil áhrif á; stjórnunaraðferðir, upplifun þátttakenda um kröfur og væntingar til sín og á það hvernig þátttakendum tekst að samræma starf og fjölskyldulíf.
Stjórnunaraðferðir þátttakenda og viðhorf til stjórnunar voru í meginþáttum þær sömu í starfsgreinunum þremur og aðeins blæbrigðamunur þar á. Niðurstöður benda einnig til þess að konur kjósi mildar og óbeinar stjórnunaraðferðir, það eru aðferðir sem samkvæmt kenningum Golemans, Boyatzis, og Mckee (2002, 2004) eru leiðbeinandi (e. coaching), byggjast á tengslum (e. affiliative), eru lýðræðislegar (e. democratic) og mótast af aðstæðum.
Niðurstöður sýndu einnig að samskipti er einn af meginþáttunum í starfi stjórnandans og var það óháð starfsvettvangi. Þátttakendur lögðu allir upp úr samráði og góðum samskiptum við starfsmenn sína og skynjuðu eigið vægi í að skapa góðan starfsanda. Samskipti milli kynjanna var helsti munur á milli starfsgreinanna þannig að togstreitu gætti í samskiptum kynjanna innan fjármálaþjónustunnar og í þjónustu við fatlaða voru tilfinningar fremur til umræðu en innan hinna tveggja starfsgreinanna.

Issued Date
02/07/2009


Artifacts
Name[Sortable]Size[Sortable]Visibility[Sortable]Description[Sortable]Format
Microsoft Word - M... .pdf801KBOpen Meistaraprófsritgerð lögð fram sem hluti af námi til M.Ed. -gráðu í menntunarfræðum með áherslu á stjórnun. PDF View/Open