EnglishisÍslenska

Member institutions

Search in


ThesisUniversity of Akureyri>Hug- og félagsvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/3157

Title
is

Að verða listamaður : hverjum dettur það eiginlega í hug?

Abstract
is

Að fara í listnám er ígrunduð ákvörðun sem tekin er af staðfestu og einbeittum vilja. Það veitir einstaklingum tækifæri til þess að þroska sjálfsmynd sína og fá djúpa innsýn í heim listanna.
Þessari eigindlegu rannsókn er ætlað að varpa ljósi á nám og störf listamanna og hvaða leiðir þeir fóru til þess að ná markmiðum sínum. Frásögn listamannanna sjálfra er hér til grundvallar, þar sem þeir rekja sögu sína í óstöðluðum, hálf opnum viðtölum sem fóru fram á tímabilinu ágúst 2006 til september 2007.
Þátttakendur í rannsókninni voru tíu starfandi myndlistamenn, fimm karlmenn og fimm konur, sem komu víðsvegar af landinu með ólíkan bakgrunn. Þeir eiga það sameiginlegt að hafa lokið formlegri listmenntun og hafa atvinnu af listtengdum störfum á Akureyri og nágrenni.
Markmið rannsóknarinnar er að öðlast skilning á því hvers vegna og hvernig sumir einstaklingar, sem menntaðir eru á sviði lista, gera listina að starfi sínu. Flestir viðmælenda minna telja sig hafa fengið áhuga á listinni, sem starfgrein, í grunnskóla eða síðar og í framhaldi af því hafi þeir einsett sér að ná því markmiði að verða listamenn.
Meginniðurstöður rannsóknarinnar leiða í ljós að sköpunarþörfin er afar sterkt afl í lífi listamanna og varð þeim því mikilvægt, strax á unga aldri, að fá tækifæri og frelsi til þess að skapa. Listgreinakennsla í grunnskóla hafði mikil áhrif á viðmælendur og sama á við um listgreinakennarana. Hvatningin og umbun hafði jákvæð áhrif á mótun sjálfsmyndarinnar og þróun á listrænum hæfileikum þeirra. Unglingsárin eru mótunarár og viðmælendur gerðu sér grein fyrir sérstöðu sinni sem listfengir einstaklingar en sumir áttu samt sem áður erfitt með að finna sinn farveg á sviði listarinnar. Það tengist meðal annars neikvæðum samfélagslegum viðhorfum til listarinnar, listnámsins og listamanna almennt. Einnig kom fram að aðstæður viðmælenda voru misjafnar til náms hvað varðar búsetu og fjölskylduaðstæður. Þegar kom að þeirri ákvörðun að hefja formlegt listnám fann hver og einn sína leið til þess að hefja námið og ljúka því. Að loknu grunnnámi í listum stóð hugur þeirra til frekara náms erlendis. Þeir viðmælendur sem fóru utan, að loknu listnámi hér á Íslandi, telja þann faglega grunn, sem þeir höfðu, hafa nýst sér afar vel og jafnvel veitt sér ákveðið forskot á aðra nemendur þar.
Viðmælendur hafa allir mótað sér starfsvettvang á Íslandi í listum og hafa lifibrauð sitt af listtengdum störfum. Nokkrir eru sjálfstætt starfandi listamenn en aðrir fást við kennslu og fleira samhliða listsköpun sinni. Þeir eru sammála um að staða þeirra í samfélaginu í dag sé tilkomin vegna mikillar vinnu og eljusemi sem skilar sér í ánægju yfir að geta sinnt hugarefnum sínum, verið skapandi og leyft öðrum að njóta þess.

Issued Date
02/07/2009


Artifacts
Name[Sortable]Size[Sortable]Visibility[Sortable]Description[Sortable]Format
Billa rannsókn.pdf1.34MBOpen Að verða listamaður, hverjum dettur það eiginlega í hug PDF View/Open