EnglishisÍslenska

Member institutions

Search in


ThesisUniversity of Iceland>Félagsvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/3313

Title
is

Samfélagsleg ábyrgð fyrirtækja. Staða og framtíðarhorfur

Abstract
is

Markmið rannsóknarinnar var að skoða hvernig stjórnendur stærri fyrirtækja á Íslandi
skilgreina samfélagslega ábyrgð (corporate social responsibility) og hvort fyrirtækin
hafi skriflega stefnu í málaflokknum sem unnið er eftir. Einnig verður leitast við að
svara þeirri spurningu hvort samfélagsleg ábyrgð fyrirtækja muni fá athygli stjórnenda
í kjölfar efnahagsþrenginga eða hvort þeir muni fyrst og fremst skara eld að eigin
köku og draga úr framlögum fyrirtækja sinna til samfélagsins. Lagt verður mat á
hvaða málaflokkar hafa skipt mestu máli til þessa og hvort þátttakendur í rannsókninni
telji að áherslubreytinga verði vart á næstu tveimur árum.
Notuð var megindleg rannsóknaraðferð og spurningalisti lagður fyrir í gegnum síma.
Rannsakandi átti samtal við viðmælendur sem nær út fyrir spurningalistann og er
rannsóknin því að hluta til eigindleg. Spurningalistinn samanstóð af 24 spurningum
sem settar voru saman af rannsakanda. Spurningalistinn var byggður á fyrri
rannsóknum um samfélagslega ábyrgð fyrirtækja og þeim fræðum sem lögð voru til
grundvallar í ritgerðinni.
Helstu niðurstöður voru þær að stærri fyrirtækin sem tóku þátt í rannsókninni hafa
frekar sett sér skriflega stefnu, þegar kemur að samfélagslegri ábyrgð, það skiptir þau
meira máli að starfið sé sýnilegt og þau hafa frekar ákveðinn starfsmann til að sinna
samfélagsmálum í þágu fyrirtækisins. Stærri fyrirtækin vinna frekar með
hagsmunasamtökum, stjórnvöldum eða öðrum hagsmunaaðilum heldur en minni
fyrirtækin. Stærri fyrirtækin eru einnig líklegri til að finna fyrir þrýstingi til að sinna
samfélagslegri ábyrgð og tengja samfélagsverkefni sín miklu frekar meginstarfsemi
fyrirtækisins en þau minni.
Stærri fyrirtækin eru því líklegri til að öðlast meiri ávinning af samfélagsábyrgð sinni
en þau minni. Niðurstöður bentu til þess að viðmælendur rannsakanda telji að ekki
hafi verið lögð nægilega mikil áhersla á gegnsæi, heiðarleika og sanngirni og jöfnun
launa í samfélaginu en telja jafnframt að þessir málaflokkar muni fá aukið vægi á
næstu tveimur árum.

Issued Date
04/02/2009


Artifacts
Name[Sortable]Size[Sortable]Visibility[Sortable]Description[Sortable]Format
Harpa_Dis_Jonsdott... .pdf843KBOpen Complete Text PDF View/Open