EnglishisÍslenska

Member institutions

Search in


ThesisUniversity of Iceland>Hugvísindasvið>B.A. verkefni>

Please use this identifier to cite or link to this item: http://hdl.handle.net/1946/3333

Title
is

„En þetta var geggjað fólk!“ SÚM hópurinn og samfélagið á sjöunda áratug síðustu aldar

Abstract
is

Í þessari ritgerð er sjónum beint að SÚM hópnum og því samfélagi sem hann er sprottinn úr. Ritgerðin skiptist í þrjá hluta, en fyrsti hluti ritgerðarinnar beinist að samfélaginu og reynt að varpa ljósi á það andrúmsloft sem hér ríkti á sjöunda áratug síðustu aldar til að skýra forsendur að baki SÚM. Í fyrri undirkaflanum er farið yfir þau málefni sem voru efst á baugi í þjóðlífinu á þessum tíma og höfðu mörg hver með beinum eða óbeinum hætti áhrif á efnistök SÚM. Í seinni kaflanum er farið yfir stöðu lista- og menningarmála og sjónum beint að þeim íhaldssömu öflum sem höfðu ríkjandi áhrif á þau mál hér á landi. Sú umfjöllun nær bæði yfir bókmenntir, myndlist, leiklist og tónlist.
Í öðrum hluta eru ný viðhorf kynnt til sögunnar og í fyrsta undirkafla fjallað um helstu nýframúrstefnuhreyfingar í Evrópu og Bandaríkjunum og litið í nokkrar fræðigreinar þar að lútandi. SÚM hópurinn er settur í samhengi við þær kenningar sem þar koma fram og leitast við að finna skyldleika SÚM við erlendar stefnur. Í öðrum undirkaflanum er farið yfir viðtökur íslensks menningarlífs og samfélags og þá gagnrýni sem SÚM og nýframúrstefnan hlaut hér á landi. Í þeim þriðja er fjallað um hvernig þjóðfélagið var gagnrýnt með ýmsum hætti í bókmenntum, myndlist og leiklist og hvernig listgreinarnar sameinuðust í viðleitni sinni til að breyta samfélaginu.
Þriðji hluti ritgerðarinnar er helgaður SÚM. Fyrri undirkaflinn rekur sögu SÚM og byggist sá kafli að miklu leyti á óútgefnum gögnum félagsins, svo sem fundargerðum og bréfum. Síðari kaflinn fjallar um nokkra listamenn félagsins og eru fáein listaverk þeirra frá SÚM-árunum tekin til greiningar, einkum út frá gagnrýni á samfélagið. Því er einnig lýst hvernig þessi íslenska nýframúrstefnulist tengist helstu erlendu stefnunum.
Ummæli föður míns, Óskars Magnússonar á bls. 10 í ritgerðinni eru fyrirmyndin að titli hennar, en orðrétt stendur: „Já, en Eyrún, þetta var geggjað fólk!“

Issued Date
05/10/2008


Artifacts
Name[Sortable]Size[Sortable]Visibility[Sortable]Description[Sortable]Format
Eyrun_Oskarsdottir... .pdf40.7KBOpen Útdráttur PDF View/Open
Eyrun_Oskarsdottir... .pdf399KBOpen Text Body PDF View/Open
Eyrun_Oskarsdottir... .pdf57.3KBOpen Front Page PDF View/Open
Eyrun_Oskarsdottir... .pdf33.8KBOpen Title Page PDF View/Open