EnglishisÍslenska

Member institutions

Search in


ThesisUniversity of Iceland>Hugvísindasvið>Meistaraprófsritgerðir>

Please use this identifier to cite or link to this item: http://hdl.handle.net/1946/3430

Title
is

„Furðu illa barnaeign gat Loki.“ Um Loka Laufeyjarson, afkvæmi hans og ragnarök

Abstract
is

„Furðu illa barnaeign gat Loki,“ segir Gangleri í Gylfaginningu þegar Hár hefur sagt honum frá fjötrun Fenrisúlfs og á þá við úlfinn, Hel og Miðgarðsorm. Auk þeirra átti Loki þrjú önnur nafngreind afkvæmi, Sleipni, Vála og Narfa, og var faðir sumra þeirra en móðir annarra.
Í þessari ritgerð ætla ég að skoða þessi sex afkvæmi Loka og athuga hvernig þeim og hlutverkum þeirra er lýst í goðsögum. Hvað þau eiga sameiginlegt með Loka og hvort líklegt sé að þau hafi tengst honum frá upphafi eða verið kennd honum síðar. Hvernig og hvort þau tengist hvert öðru og hvað þau eigi sameiginlegt. Síðast en ekki síst ætla ég að athuga hvort afkvæmin og eðli þeirra geti varpað nýju ljósi á Loka sjálfan og eðli hans.
Aðalmarkmið ritgerðarinnar eru að finna tengingar annars vegar á milli Loka og afkvæmanna og hins vegar á milli afkvæmanna sjálfra og reyna að komast að og leiða líkur að uppruna þeirra og hlutverki í goðheimum. Einnig verður reynt að kafa undir yfirborð hvers afkvæmis fyrir sig. Loki hefur verið mikið rannsakaður og því gríðarlegt magn heimilda sem til er. Afkvæmi hans spanna vítt svið og saga þeirra snertir dauðaríki, seið, óreiðu heimsins, hesta, úlfa og óargadýr. Af þessum sökum verður ekki hægt að gera öllum þáttum fullnægjandi skil og á sumu verður rétt aðeins tæpt.

Issued Date
10/10/2008


Artifacts
Name[Sortable]Size[Sortable]Visibility[Sortable]Description[Sortable]Format
Kolfinna_Jonatansd... .pdf748KBLocked Complete Text PDF