EnglishisÍslenska

Member institutions

Search in


ThesisUniversity of Akureyri>Hug- og félagsvísindasvið>B.A./B.Ed. verkefni>

Please use this identifier to cite or link to this item: http://hdl.handle.net/1946/355

Title
is

Hið réttláta stríð : er til regla í þjóðarétti sem heimilar einhliða hernaðaríhlutun af mannúðarástæðum

Abstract
is

Í þessari tæplega 12.000 orða heimildarritgerð er leitast við að svara þeirri spurningu, hvort til sé í þjóðarrétti regla sem banni eða heimili einhliða hernaðaríhlutun ríkja vegna stórfelldra mannréttindabrota innan landamæra annarra ríkja. Við rannsóknina var stuðst við rit fræðimanna, um heimildir til beitingar vopnavalds í þjóðarétti, auk rita sem fjalla um atriði sögulegs eðlis. Þá var leitast við að byggja sem mest á frumheimildum svo sem ályktunum Öryggisráðs Sameinuðu Þjóðanna og Allsherjarþings Sameinuðu Þjóðanna.
Rannsóknin skiptist í þrjá meginhluta. Í fyrsta lagi var farið yfir réttarheimildir þjóðarréttar á því sviði sem um ræðir. Þá var reynt að rýna í merkingu þeirra ákvæða Sáttmála Sameinuðu Þjóðanna sem fjalla um beitingu vopnavalds. Að lokum var hegðun og afstaða ríkja skoðuð með tilliti til hugsanlegrar venjuréttarreglu um hernaðaríhlutun af mannúðarástæðum.
Rannsóknin leiddi til þeirrar niðurstöðu að Sáttmáli Sameinuðu Þjóðanna bannaði hvorki né heimilaði einhliða hernaðaríhlutun af mannúðarástæðum. Sú niðurstaða er háð þeirri forsendu að ákvæð sáttmálans sú skýrð út frá breytilegum aðstæðum í þjóðarrétti fremur en með hliðsjón af markmiði leiðtoga upprunalegu stofnríkja Sameinuðu Þjóðanna.
Þá leiddi rannsóknin í ljós að kenningin um hið réttláta stríð virðist hafa verið viðurkennd í þjóðarrétti allt frá dögum Forngrikkja og fram að stofnun Sameinuðu Þjóðanna. Ekkert bendir til þess að sáttmáli Sameinuðu Þjóðanna hafi afnumið þá venjuréttarreglu.
Ennfremur hefur rannsóknin leitt í ljós að engin dómafordæmi finnast þar sem hernaðaríhlutun af mannúðarástæðum er úrskurðuð ólögmæt. Allmörg dæmi fundust um slíka íhlutun eftir stofnun Sameinuðu Þjóðanna án þess að stofnanir hennar hefðu fordæmt hana eða lýst hana ólögmæta.

Comments
is

Verkefnið er lokað

Issued Date
01/01/2006


Artifacts
Name[Sortable]Size[Sortable]Visibility[Sortable]Description[Sortable]Format
rettlstrid-e.pdf293KBOpen Hið réttláta stríð - efnisyfirlit PDF View/Open
rettlstrid-h.pdf118KBOpen Hið réttláta stríð - heimildaskrá PDF View/Open
rettlstrid-u.pdf126KBOpen Hið réttláta stríð - útdráttur PDF View/Open
rettlstrid.pdf497KBLocked Hið réttláta stríð - heild PDF