Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3707
Í þessu lokaverkefni er lýst rannsókn sem gerð var á svokölluðum áhugasviðsverkefnum í Hvolsskóla. Farið er yfir ýmsar kenningar og þau meginmarkmið og áherslur sem áhugasviðsverkefni byggjast á. Einnig er fjallað um markmið og stefnu Hvolsskóla á þessu sviði.
Rannsóknarspurningin var hvort þau markmið og sú stefna sem Hvolsskóli leggur áherslu á með áhugasviðsverkefnunum væru að skila sér í skólastarfinu eða hvort þau væru bara orðin tóm. Tekin voru viðtöl við aðstoðarskólastjóra, kennara og nemendur Hvolsskóla, þar sem leitast var við að fá upplýsingar varðandi reynslu þeirra af áhugasviðsverkefnunum.
Niðurstöður voru þær að áhugasviðsverkefnin í Hvolsskóla hafi um margt skilað tilætluðum árangri í þau tvö ár sem þau hafa verið í gangi en þó ekki að öllu leyti. Töldu viðmælendur að áhugasviðsverkefnin væru enn í þróun og að með tímanum myndi árangur nást.
Ljóst er að vinna þarf áfram að skipulagi áhugasviðsverkefnanna og skapa starfsfólki skólans rúm til að koma þeim í framkvæmd þannig að tilætlaður árangur náist.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Lokaverkefni til B.Ed Esther.pdf | 929.22 kB | Opinn | Heildartexti | Skoða/Opna |