Töfrar leikbrúðunnar : handbók fyrir leiðbeinendur leikskóla

Abstract

Það leik- og kennslutæki sem okkur hefur reynst betur en önnur til að fanga athygli og virkja sköpunarkraft barna er leikbrúðan. Með henni er auðvelt að hvetja börn til sköpunar og athafna. Verkefnið er handbók fyrir leiðbeinendur leikskóla. Hún hefur að geyma ýmsar hugmyndir hvernig hægt er að nýta sér töframátt leikbrúðunnar og tengja hana bæði í leik og vinnu sem nær til allra námsþátta leikskólans. Í leik með brúðu eiga börn auðvelt með að fá útrás fyrir tilfinningar og upplifun. Þau setja sig í spor brúðunnar og taka þátt í gleði hennar og sorgum, auk þess sem þau læra að þekkja mun á leik og alvöru lífsins.Við vonum að handbókin verði kveikja og hvati að nýjum og ævintýralegum verkefnum í leikskólanum þar sem börnin og leiðbeinendur þróa sína leiki og vinnu eftir eigin hugmyndum.