is Íslenska en English

Lokaverkefni (Bakkalár)

Háskólinn á Akureyri > Hug- og félagsvísindasvið > B.A./B.Ed. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/384

Titill: 
  • Upplifun á ofbeldi í starfi : viðbrögð og forvarnir
Námsstig: 
  • Bakkalár
Útdráttur: 
  • Ofbeldi er vaxandi vandamál í samfélagi okkar og kemur það ekki síst fram á geðdeildum landsins þar sem oft er verið að meðhöndla ofbeldishneigða sjúklinga. Tilgangur þessa verkefnis var að gera athugun á upplifun hjúkrunarfræðinga og almennra starfsmanna á Kleppsspítala af ofbeldi í starfi og var þetta skoðað útfrá mati þátttakenda af starfsaðstæðum, mönnun starfsfólks, upplifun á öryggi hvað varðar mögulegt ofbeldi af hendi sjúklinga, ofbeldi í starfi, nytsemi sjálfsvarnarnámskeiðs, öryggisráðstöfunum, meðferðaráætlunum sjúklinga og starfsánægju. Einnig var lagður fyrir streitukvarði í lok spurningalistans. Fjöldi þeirra sem svöruðu voru 67 starfsmenn sem voru á vakt yfir vikutímabil sem rannsóknin stóð yfir. Spurningalistarnir lágu fyrir hjá deildarstjóra og var sett upp tilkynning þess efnis að starfsmannakönnun stæði yfir. Rannsóknarspurningar þessa verkefnis voru “Hversu algengt er ofbeldi af hendi sjúklinga á Kleppi gagnvart starfsfólki?” og “Nýta starfsmenn sér þær varnaraðgerðir sem kenndar eru á Kleppi þegar ofbeldi á sér stað?” Niðurstöðurnar leiddu í ljós að 77,6% þátttakenda höfðu lent í því að sjúklingur legði á þá hendur og 74,6% þátttakenda höfðu sótt sjálfsvarnarnámskeið en ekki fannst marktæk fylgni þar á milli við 95% marktektarmörk. Hlutfall þeirra sem lent hafa í því að sjúklingur geri tilraun til að slá, sparka eða bíta í þá var 82,2% þátttakenda. Hvað varðar kynferðislegt ofbeldi af hendi sjúklinga höfðu 43,3% þátttakenda upplifað slíkt atvik og 82,1% þátttakenda hafði lent í því að sjúklingur rifi kjaft við þá. Niðurstöðurnar gefa því til kynna að stór hluti starfsmanna á Kleppsspítala hefur orðið fyrir ofbeldi af hendi sjúklinga og ber að líta það alvarlegum augum. Upplifun á ofbeldi getur orsakað streitu og kom í ljós að af þeim 55 þátttakendum sem svöruðu streitukvarðanum flokkuðust 28 með streitu samkvæmt viðmiðum sem er mjög hátt hlutfall eða 50,9%.

Athugasemdir: 
  • Verkefnið er opið nemendum og starfsfólki Háskólans á Akureyri
Samþykkt: 
  • 1.1.2006
URI: 
  • http://hdl.handle.net/1946/384


Skrár
Skráarnafn Stærð AðgangurLýsingSkráartegund 
upplofbeldi.pdf283.83 kBTakmarkaðurUpplifun á ofbeldi í starfi - heildPDF
upplofbeldi-e.pdf171.14 kBOpinnUpplifun á ofbeldi í starfi - efnisyfirlitPDFSkoða/Opna
upplofbeldi-h.pdf85.72 kBOpinnUpplifun á ofbeldi í starfi - heimildaskráPDFSkoða/Opna
upplofbeldi-u.pdf54 kBOpinnUpplifun á ofbeldi í starfi - útdrátturPDFSkoða/Opna