Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/3856
Skógurinn hennar Matthildar er myndskreytt saga ætluð börnum á leikskólaaldri. Hún var skrifuð á vorönn 2009, sem lokaverkefni á Menntavísindasviði við Háskóla Íslands.
Sagan um Matthildi hefur tengingu við náttúrufræði og er skrifuð með það í huga að veita börnum fræðslu og vera þeim hvatning til að fara sjálf og skoða náttúruna. Megin viðfangsefni sögunnar eru tré og það vistkerfi sem þau eru hluti af. Aðalpersóna sögunnar er stúlkan Matthildur sem býr nálægt skógi og leikur sér þar oft. Hún upplifir breytingar á skóginum í gegnum árstíðirnar fjórar, notar skynfæri sín, gerir uppgötvanir og myndar tengsl við náttúruna.
Í greinargerðinni sem fylgir sögunni er fjallað um gildi náttúru og myndabóka, og um það hvernig náttúruskoðun og bækur geta í sameiningu stutt við þroska barna á leikskólaaldri; aukið þekkingu, skilning og jákvæðar tilfinningar barna gagnvart náttúrunni. Gerð er úttekt á barnabókum sem hafa verið gefnar út á síðustu tíu árum um náttúruna. Einnig eru í greinargerðinni hugmyndir að því hvernig nota má söguna Skógurinn hennar Matthildar til að styðja við náttúrufræðinám í leikskóla.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Greinargerd Skogurinn hennar Matthildar.pdf | 312.93 kB | Opinn | Greinargerð | Skoða/Opna | |
Skogurinn hennar Matthildar.pdf | 5.64 MB | Opinn | Myndabók | Skoða/Opna |