is Íslenska en English

Lokaverkefni (Meistara)

Háskóli Íslands > Menntavísindasvið > Meistaraprófsritgerðir - Menntavísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4016

Titill: 
  • Tónlistarnám í leikskóla og þróun hljóðkerfisvitundar
Titill: 
  • Music lessons in playschools and the development of phnological awareness
Námsstig: 
  • Meistara
Útdráttur: 
  • Þessi ritgerð fjallar um markvisst nám í grunnþáttum tónlistar í leikskóla og
    tengsl hennar við hljóðkerfisvitund leikskólabarna. Fjallað er um sterk
    tengsl hljóðkerfisvitundar og almenns málþroska og mikilvægi góðrar
    hljóðkerfisvitundar leikskólabarnsins fyrir lestrarnámið síðar meir.
    Rannsóknarspurningin er: Hefur markviss þjálfun grunnþátta í tónlist
    áhrif á hljóðkerfisvitund leikskólabarna? Í henni er fólgin sú kenning að
    efla megi hljóðkerfisvitund leikskólabarna með markvissri tónlistariðkun
    og þannig styrkja grunninn að lestrarnámi þeirra síðar. Slík markviss
    þjálfun grunnþátta tónlistar gæti jafnvel minnkað líkur á lestrarörðugleikum
    þegar í grunnskólann kemur. Þetta er megindleg rannsókn með
    tilraunasniði. Úrtakið var hentugleikaúrtak eins leikskóla þar sem tónlist
    var ekki sérstaklega skipulagður þáttur í daglegu starfi. Í leikskólanum voru
    27 börn í elsta árgangi. Öll börnin voru forprófuð í HLJÓM-2 prófi, beitt
    var lagskiptu tilviljanaúrtaki í tilraunahóp og samanburðarhóp.
    Börnin í tilraunahópi fengu 20 kennslustundir á sex vikna tímabili að
    meðaltali í 45 mínútur hver kennslustund. Börnin í samanburðarhópi fengu
    enga sérstaka aðra kennslu en hefðbundið leikskólastarf utan eitt barn sem
    var í samanburðarhópi og fékk nokkurn stuðning í málörvun hjá
    sérkennslustjóra. Kennslan í tilraunahópi fór fram á útivistartíma barnanna
    eftir hádegið. Börnin voru endurmetin á HLJÓM-2 þremur vikum eftir að
    inngripum lauk. Niðurstöður rannsóknarinnar sýndu miklar framfarir hjá
    barnahópnum öllum milli mælinganna og voru það tölfræðilega marktækar
    niðurstöður. Tónlistarhópi fór lítið eitt meira fram en samanburðarhópi.
    Hins vegar var ekki tölfræðilega marktækur munur á milli hópanna og
    verður því ekki hægt að fullyrða að tónlistarkennslan hafi haft áhrif á þróun
    hljóðkerfisvitundarinnar. Þær góðu framfarir sem börnin sýndu í lok
    rannsóknarinnar skýrast líklegast af auknum þroska barnanna á tímabilinu.
    Lykilorð: Hljóðvitund, hljóðskynjun, tónlistarþroski.

Styrktaraðili: 
  • Kópavogsbær, Hljóðfærahúsið
Samþykkt: 
  • 15.10.2009
URI: 
  • http://hdl.handle.net/1946/4016


Skrár
Skráarnafn Stærð AðgangurLýsingSkráartegund 
Tónlistarnám í leikskóla og þróun hljóðkerfisvitundar.pdf779.62 kBOpinnHeildartextiPDFSkoða/Opna