Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4054
Hér er farið yfir umræðu sem átti sér stað í íslensku samfélagi í kjölfar bankahrunsins haustið 2008. Í allri þeirri ringulreið sem ríkti í samfélaginu vaknaði sú hugmynd að betra væri að konur stjórnuðu fjármálafyrirtækjum en karlar, þar sem hrunið hefði sýnt að stjórnunarhættir karla væru misheppnaðir. Þessi umræða er greind með tilliti til hugmynda um kyn. Sú skoðun að karllæg viðhorf hefðu ráðið ferðinni fyrir hrunið, og þessvegna væri farsælast að hafna þeim benda til að kynjamunur sé talinn ráða úrslitum í stjórnun og rekstri. Þrjár mögulegar ástæður fyrir muninum á milli kynjanna eru skoðaðar; eðlishyggja, mótunarhyggja og tengslamyndun í frumbernsku. Markmiðið er að komast að því hvaða grunnhugmynd um kynjamun liggur að baki þeirri fullyrðingu að annað kynið sé betur fallið til þess að stjórna fjármálafyrirtækjum en hitt.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
emma_bjorg_ritgerd_fixed.pdf | 410.7 kB | Opinn | Ritgerðin öll | Skoða/Opna |