EnglishisÍslenska

Member institutions

Search in


ThesisUniversity of Iceland>Menntavísindasvið >Meistaraprófsritgerðir>

Please use this identifier to cite or link to this item: http://hdl.handle.net/1946/4089

Title
is

Sjálfsmat eykur gæði skólastarfs : starfendarannsókn í Grunnskóla Siglufjarðar

Abstract
is

Rannsóknin er starfendarannsókn, unnin í Grunnskóla Siglufjarðar. Allt starfsfólk skólans tekur þátt í henni. Niðurstöður byggja á söfnun margvíslegra gagna og skrifleg ígrundun starfsfólks á vinnu sinni við sjálfsmatið er mikilvægur hluti þeirra. Úrvinnslan var byggð á greiningu þessara gagna í þemu sem notuð voru til að svara rannsóknarspurningum. Markmiðið með rannsókninni var að skilgreina og skilja starfshætti við sjálfsmatið, auka skilning starfsfólks á mikilvægi sjálfsmats skóla og tengsl þess við skólaþróun og gæði skólastarfs. Þá var markmiðið einnig að þróa og bæta vinnubrögð og efla jákvæð viðhorf til sjálfsmats og skólaþróunar.
Niðurstöður rannsóknarinnar voru skoðaðar í ljósi hugmynda Gajda og Koliba (2007) um ákveðna gerð samvinnu sem þeir nefna gagnvirka samvinnu (interpersonal collaboration). Þá voru niðurstöður einnig speglaðar í hugmyndum Evans (2001) um mannlega hlið breytinga, Fullan (2007) um skólaþróun svo og sýn Sergiovanni á góðum skóla. Helstu niðurstöður eru að sjálfsmat eykur gæði skólastarfs á þann hátt að það býr starfsfólkinu starfsgrundvöll og réttir því verkfæri til að finna veika þætti í skólastarfinu og bæta þá. Þá skilar sjálfsmatið af sér varanlegum umbótum á innra starfi skólans. Sjálfsmat eflir mannauðinn í skólanum því með samvinnu, umræðum og faglegri vinnu eflist hver starfsmaður og starfsfólki finnst sjálfsmatið styrkja það í starfi. Sjálfsmatið skilar sér til nemenda. Dæmi um óbein áhrif er viðhorfabreyting hjá starfsfólki gagnvart þörfum og væntingum nemenda og dæmi um bein áhrif eru betri aðbúnaður og nýjar áherslur í námsmati sem farið hafa af stað í kjölfar sjálfsmatsins. Allt þetta verður til þess að gæði skólastarfsins aukast.
Lykilorð: Gæði skólastarfs.

Issued Date
04/11/2009


Artifacts
Name[Sortable]Size[Sortable]Visibility[Sortable]Description[Sortable]Format
ti_fixed.pdf426KBOpen Complete Text PDF View/Open