is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4214

Titill: 
  • Skaðabótaábyrgð endurskoðenda
Titill: 
  • Liability of Auditors in Tort Law
Námsstig: 
  • Meistara
Leiðbeinandi: 
Útdráttur: 
  • Eftir fall íslensku viðskiptabankanna á haustmánuðum 2008 og þess efnahagshruns sem því fylgdi hefur hlutverk og ábyrgð endurskoðenda verið nokkuð til umræðu hér á landi. Hefur þeim verið skipað á bekk sem hugsanlegir sökudólgar hrunsins ásamt íslenskum viðskiptajöfrum, stjórnendum viðskiptabankanna, Seðlabanka Íslands, eftirlitsstofnunum og ráðherrum í ríkisstjórn. Ósagt skal látið hvort íslenskir endurskoðendur og endurskoðunarfyrirtæki gegni þar stóru hlutverki og er ekki ætlunin með þessari ritgerð að varpa frekara ljósi á það. Tíminn einn mun leiða það í ljós. Óhætt er þó að fullyrða að reglur um skaðabótaábyrgð munu skipta máli við það uppgjör.
    Þessari ritgerð er einkum ætlað að fjalla um skaðabótaábyrgð endurskoðenda að íslenskum rétti. Í 2. kafla er stuttlega vikið að þróun þeirra laga og reglna sem gilt hafa um endurskoðendur frá því að fyrstu lög um endurskoðendur tóku gildi árið 1926. Í 3. kafla er vikið að helstu starfsskyldum þeirra, eins og þær eru tilgreindar í lögum nr. 79/2008 um endurskoðendur. Slík umfjöllun er almennt talin nauðsynleg, enda skipta skyldurnar miklu máli þegar komist er að niðurstöðu um skaðabótaábyrgð endurskoðenda.
    Í kjölfar umfjöllunar um helstu skyldur endurskoðenda er í 4. kafla komið að meginefni ritgerðarinnar þar sem vikið er að skaðabótaábyrgð endurskoðenda. Þar er fyrst fjallað um almenn atriði um stofnun skaðabótaábyrgðar og bótagrundvöllinn. Því næst er fjallað um sakarmat dómstóla og beitingu sönnunarreglna og hvort sérsjónarmið, sem víkja frá almennum reglum skaðabótaréttar, eigi við þegar endurskoðendur eiga í hlut. Umfjöllun um skaðabótaábyrgð gagnvart viðskiptamönnum og þriðja manni fylgir svo í kjölfarið, ásamt umfjöllun um meðábyrgð tjónþola. Þá er ítarleg grein gerð fyrir hlutverki og skaðabótaábyrgð endurskoðenda vegna þeirra verkefna sem algengt er að þeir taki sér fyrir hendur. Enda þótt stór hluti verkefna endurskoðenda felist í endurskoðun ársreikninga eru verkefni þeirra margvísleg og fjölbreytt og sjaldnast einungis bundin við endurskoðun. Því næst er fjallað um takmörkun á skaðabótaábyrgð endurskoðenda, en algengt er að í ljósi þeirra miklu fjárhagslegu hagsmuna sem tengdir eru störfum þeirra, reyni þeir að takmarka ábyrgð sína með margvíslegum hætti. Í framhaldi af því er fjallað um starfsábyrgðartryggingar endurskoðenda. Að lokum eru niðurstöður ritgerðarinnar dregnar saman og ýmsar hugmyndir um efnið viðraðar.

Samþykkt: 
  • 6.1.2010
URI: 
  • http://hdl.handle.net/1946/4214


Skrár
Skráarnafn Stærð AðgangurLýsingSkráartegund 
Ritgerd_fixed[1].pdf1 MBLokaðurHeildartextiPDF