EnglishisÍslenska

Member institutions

Search in


ThesisUniversity of Iceland>Félagsvísindasvið>B.A./B.Ed./B.S. verkefni>

Please use this identifier to cite or link to this item: http://hdl.handle.net/1946/4290

Title
is

Íslenskir verðbréfa- og fjárfestingarsjóðir. Breyting á fjárfestingarstefnu eftir bankahrun

Abstract
is

Viðfangsefni þessarar ritgerðar er að sjá hverjar breytingar á fjárfestingarstefnu
verðbréfa- og fjárfestingarsjóða hafa verið eftir bankahrun í október 2008, hvaða
sjóðir voru lokaðir í kjölfar hrunsins og hvort nýir komu á markaðinn. Svarað verður
spurningunni ,,Hvaða breytingar hafa orðið á fjárfestingarstefnum verðbréfa- og
fjárfestingarsjóða eftir bankahrun?”. Fjárfestingarstefnur segja til um almenn
markmið sjóðanna og í hverju eigi að fjárfesta og að hve miklu leyti frávik geta verið
frá stefnunni. Með verðbréfasjóði er átt við safn af verðbréfum og öðrum
fjármálagerningum sem auðvelt er að kaupa og selja. Munurinn á verðbréfasjóði og
fjárfestingarsjóði felst fyrst og fremst í fjárfestingarheimildum þeirra og hafa
fjárfestingarsjóðir mun rýmri heimild til fjárfestinga. Til að komast að því hvernig
stefnurnar breyttust voru síðustu útgefnu reglur og útboðslýsingar sjóðanna fyrir hrun
skoðaðar og bornar saman við núverandi reglur og útboðslýsingar. Þeir sjóðir sem
teknir eru fyrir eru reknir af tveimur rekstrarfélögum; Íslandssjóðum hf. (var Glitnir
sjóðir) og Stefni hf. (var Rekstrarfélag Kaupþings Banka) og verður aðeins fjallað um
þá sjóði sem fjárfestu hér innanlands.
Helstu niðurstöður voru þær að ekki miklar breytingar hafa verið gerðar á
fjárfestingarstefnum sjóða. Þeir sjóðir sem eru hlutabréfasjóðir breyttu hvað mest
stefnum sínum. Hafa þeir nú heimild til að fjárfesta í óskráðum hlutabréfum sem þeir
máttu ekki áður eða þá með miklum takmörkunum. Skuldabréfasjóðir eru að mestu
leyti með sömu fjárfestingarstefnur en nokkrum þeirra var hins vegar lokað eftir
hrunið eða eru í slitameðferð og eru þeirra stefnur breyttar á meðan á því stendur.
Allir þeir peningamarkaðssjóðir sem voru starfandi þegar hrunið varð hafa verið
lokaðir og var það gert að tilmælum Fjármálaeftirlitsins. Fimm nýir sjóðir hafa litið
dagsins ljós og hafa verið opnaðir þrír nýir sjóðir hjá Stefni og tveir hjá
Íslandssjóðum.

Issued Date
13/01/2010


Artifacts
Name[Sortable]Size[Sortable]Visibility[Sortable]Description[Sortable]Format
heildartexti_fixed.pdf490KBLocked Complete Text PDF