is Íslenska en English

Lokaverkefni (Meistara)

Háskólinn á Akureyri > Hug- og félagsvísindasvið > Meistaraprófsritgerðir >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/4407

Titill: 
  • Samfélag jafningja: Uppbygging lærdómssamfélags í leikskóla
Námsstig: 
  • Meistara
Höfundur: 
Leiðbeinandi: 
Útdráttur: 
  • Í ritgerðinni er sagt frá starfendarannsókn á uppbyggingu lærdómssamfélags í ungbarnaleikskólanum Bjarma í Hafnarfirði. Markmið rannsóknarinnar var að kanna hvernig hægt væri að byggja upp lærdómssamfélag, sem starfar í anda Reggio Emilia, með því að innleiða skólagreindir MacGilchrist og félaga (MacGilchrist o.fl., 2004). Einnig beindist rannsóknin að því að kanna hvers konar forysta hentar við að innleiða greindirnar.
    Þátttakendur í rannsókninni voru kennarar og stjórnendur skólans, ásamt þremur gagnrýnum vinum. Gögnum var safnað með fundargerðum, viðtölum, upptökum af fundum (hádegis-, starfsmanna- og vinafundum), dagbókarskrifum, verkefnum, samræðum og í lokin hittist rýnihópur sem samanstóð af fjórum kennurum frá Bjarma, vinahópnum og utanaðkomandi leikskólakennara. Rannsóknin stóð skólaárið 2008 til 2009.
    Meginniðurstöður rannsóknarinnar sýndu að skólagreindir MacGilchrist og félaga væru vel til þess fallnar að byggja upp lærdómssamfélag sem starfar í anda Reggio Emilia. Kennarar töldu sig hafa eflst sem fagmenn með því að ígrunda eigið starf. Í niðurstöðunum kom fram að skólasamfélagið lagði áherslu á samræður, samvinnu, dreifða forystu, dreifða ábyrgð, traust, umhyggju og virðingu en það eru allt þættir sem einkenna lærdómssamfélög. Einnig sýndu niðurstöður að jöfn tækifæri til náms og þekkingaröflun væru nauðsynleg kennarasamfélaginu til að byggja upp samfélag sem lærir.
    Við innleiðingu skólagreindanna var lögð áhersla á dreifða forystu og ábyrgð sem endurspeglaðist í samstarfi milli kennara og stjórnenda. Í niðurstöðum kom fram að kennarar töldu að þeir hefðu fengið tækifæri til þátttöku og ákvarðanatöku þar sem stjórnendur hvöttu kennara til að reyna eigin leiðir og taka sjálfstæðar ákvarðanir í ýmsum málum. Kennarar sögðust hafa fundið fyrir sveigjanleika og frelsi í starfi, þeir töldu sig finna fyrir trausti frá stjórnendum og sögðu að þeir stjórnuðu á lýðræðislegan hátt.

Samþykkt: 
  • 5.2.2010
URI: 
  • http://hdl.handle.net/1946/4407


Skrár
Skráarnafn Stærð AðgangurLýsingSkráartegund 
jafningja_fixed.pdf9.71 MBOpinn"Samfélag jafningja" - heildPDFSkoða/Opna